fbpx

تُرک اداکار چنگیز جوشقون حمزہ علی عباسی کی بہن کے اسکن لائن برانڈ کے ایمبیسڈر مقرر

مشہور تُرک اداکار چنگیز جوشقون اداکار حمزہ علی عباسی کی بہن ڈاکٹر فضیلہ عباسی کے اسکن لائن برانڈ کے ایمبیسڈر بنیں گے-

باغی ٹی وی : حمزہ علی عباسی کی بہن اور اسکن اسپیشلسٹ فضیلہ عباسی پاکستان اور بیرون ملک اسکن ٹریٹمنٹ دیتی ہیں فضیلہ عباسی کی جانب سے اب پاکستان میں بھی اپنا برانڈ متعارف کروایا جا رہا۔

فضیلہ عباسی نے اپنے اسکن لائن برانڈ کے ایمبیسڈر کے لیے تُرکی کے شہرہ آفاق ڈرامہ سیریل ’ارطغرل غازی‘ میں’ تُرگُت سپاہی‘ کا کردار ادا کرنے والے تُرک اداکار چنگیز جوشقون کا انتخاب کیا ہے جس کی تصاویر سوشل میڈیا پر گردش کر رہی ہیں –

جبکہ فضیلہ عباسی کی جانب سے بھی ان کے انسٹا گرام اکاؤنٹ پر ایک پوسٹ شیئر کی گئی ہے جس میں انہیں چنگیز جوشقون کے ساتھ دیکھا جا سکتا ہے۔

فضیلہ عباسی کا اپنی پوسٹ میں کہنا ہے کہ تاریخ میں پہلی بار اب وہ پاکستان میں مرد حضرات کے لیے ایکسکلوزیو اسکن کیئر لائن کھولنے جا رہی ہیں، اور اس کے برانڈ ایمبیسڈر چنگیز جوشقون ہوں گے۔

فضیلہ عباسی کی جانب سے شیئر کی گئی تصویر میں دیکھا جا سکتا ہے کہ وہ دونوں معاہدے پر خوشگوار موڈ میں دستخط کر رہے ہیں، فضیلہ عباسی کی اس پوسٹ پر پاکستان میں موجود چنگیز جوشقوں کے مداحوں کی جانب سے خوشی کا اظہار کیا جا رہا ہے۔

دوسری جانب یہی تصویر چنگیز جوشقون کی جانب سے بھی اپنے انسٹا گرام اکاؤنٹ پر شیئر کی گئی ہے جس پر اُنہوں نے جَلد پاکستان آنے کا بھی عندیہ دیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.