"تہذیب کا مرکز، خوشحال لاہور” ایل ڈی اے نے وہ قدم اٹھا لیا جو اس سے پہلے کسی نے نہیں اٹھایا تھا

0
32

لاہور : ایل ڈی اے نے لاہور کی ترقی اور خوشحالی کے لیے نئے اور موثر اقدامات کرنے کا فیصلہ کرلیا ، اس سلسلے میں ایل ڈی اے شہر کی نئی ماسٹر پلاننگ میں ثقافت اور تہذیب کی بحالی کے لئے "شہر لاہور تیری رونقیں دائم آباد، ” تہذیب کا مرکز، خوشحال لاہور” کے تھیم پر کام کرے گی

ایل ڈی اے ذرائع کے مطابق شہر کی ماسٹر پلاننگ میں چیف میٹرو پولیٹن پلانر ندیم اختر زیدی کی کنوینئر شپ میں 10 رکنی کمیٹی قائم کی ہے، کمیٹی میں سینئر آرکیٹیکٹ کامل ممتاز خان، ممبر آباد ایسوسی ایشن اکبر شیخ، یو ای ٹی کے شعبہ ریجنل پلاننگ کے پروفیسر ڈاکٹر شاکر محمود، پرنسپل ٹاؤن پلانر نیسپاک احمد مسعود، ماہر ماحولیات عمرانہ ٹوانہ، ڈائریکٹر ٹاؤن پلاننگ اظہر علی، واٹر انجنیئرنگ سپیشلسٹ ریاض حسین، آرکیٹکٹ نادیہ ایچ قریشی ممبرز ہوں گے۔

دوسری طرف ایل ڈی اے کی طرف سے جاری طریقہ کار کے مطابق یہ کمیٹی ماسٹر پلاننگ کی تیاری کے دوران شہری ثقافت کی بحالی کے لئے ٹی او آرز مرتب کرے گی، کنسلٹنٹس کی تجاویز شہر کی تہذیب سے متصادم نہ ہونے کے حوالے سے بھی نظر رکھی جائےگی،

Leave a reply