علاقہ کی تعمیروترقی کیلئے34کروڑ75 لاکھ روپے کے فنڈز مختص کئے گئے ہیں، عبدالغفار

سرگودھا۔07اگست(اے پی پی)کنٹونمنٹ ایگزیکٹو آفیسر سرگودھا عبدالغفار نے بتایا ہے کہ مالی سال2019-20ء کے لئے کینٹ علاقہ کی تعمیروترقی کیلئے34کروڑ75 لاکھ روپے کے فنڈز مختص کئے گئے ہیں،گزشتہ روز اے پی پی سے گفتگو کرتے ہوئے انہوں نے کہا کہ سڑکوں کی تعمیرومرمت کیلئے دس کروڑ روپے سیوریج لائن بچھائے جانے ومرمت کیلئے ایک کروڑ75 لاکھ روپے واٹر سپلائی لائنوں کی مرمت کے لئے50 لاکھ روپے کنٹونمنٹ بورڈ کی سرکاری عمارات کی تعمیرومرمت کیلئے اٹھارہ کروڑ روپے جبکہ کینٹ علاقہ میں پارکس سٹریٹ لائٹس فٹ پاتھوں کی تعمیر اور خوبصورتی کے لئے کئے جانے والے دیگر اقدامات کیلئے چار کروڑ پچاس لاکھ روپے مختص کئے گئے ہیں۔کنٹونمنٹ ایگزیکٹو آفیسر نے مزید نے کہا کہ کینٹ بورڈ سرگودھا اپنے مکینوں کوبنیادی سہولیات کی فراہمی اورعلاقہ کی خوبصورتی کے لئے ہر ممکن اقدامات کررہا ہے اہلیان کینٹ کو چاہیے کہ وہ حلقہ میں ان ترقیاتی کاموں کی تکمیل کے لئے اپنے ٹیکس بروقت ادا کریں تجاوزات اور گلیوں میں کوڑا وغیرہ پھینکنے سے اجتناب کریں عوام کے تعاون اور بروقت ٹیکسوں کی ادائیگی سے کنٹونمنٹ بورڈ سرگودھا اہلیان کینٹ کو ہر قسم کی بنیادی سہولیات فراہم کرنے کیلئے ہمہ وقت کوشاں رہے گا۔

جواب چھوڑیں

آپ کا ای میل ایڈریس شائع نہیں کیا جائے گا.