چئرمین سینیٹ صادق سنجرانی نے سینیٹرز اورسٹاف کی تنخواہیں ایمرجنسی فنڈمیں دینے کا اعلان کرکے دل خوش کردیئے

اسلام آباد: چئرمین سینیٹ صادق سنجرانی نے سینیٹرز اورسٹاف کی تنخواہیں ایمرجنسی فنڈمیں دینے کا اعلان کرکے دل خوش کردیئے ،اطلاعات کے مطابق چئرمین سینیٹ محمد صادق سنجرانی کی ہدایت پر سینیٹرز ، سٹاف کی تنخواہیں ایمرجنسی فنڈ میں دینے کا اعلان کیا ہے،

ذرائع کےمطابق چئرمین سینیٹ محمد صادق سنجرانی نے تین ماہ کی تنخواہ ایمرجنسی فنڈ میں دینے کا اعلان کیا جبکہ سینیٹرز کی ایک ماہ کی تنخواہ ایمرجنسی فنڈ میں جائیگی ،ترجمان سینیٹ کےمطابق گریڈ 20، 21 اور 22 کے افسران کی پانچ دن کی تنخواہ ایمرجنسی فنڈ میں جائیگی

ترجمان سینیٹ کے مطابق گریڈ 17 سے 19 کی تین دن کی تنخواہ ایمرجنسی فنڈ میں جائیگی۔ جبکہ گریڈ 7 سے 16 کی ایک دن کی تنخواہ ایمرجنسی فنڈ میں جائیگی۔ سینیٹ نے ہر۔مشکل وقت میں ایسے فیصلے کئے ہیں۔

اس موقع پر چئرمین سینیٹ محمد صادق سنجرانی نے کہا کہ مشکل فیصلے کرینگے تو کرو نا وائرس کے پھیلاؤ کو روکا جا سکے گا۔ عوام گھروں میں رہیں گے تو حکومت کو مریضوں کی دیکھ بھال کرنے میں آسانی ہو گی۔

حکومتی اقدامات لائق تحسین ہیں، وسائل کو مل جل کر پورا کرنے کی کوششیں کرنا ہونگی۔ باقی ادارے بھی آگے آئیں اور دل کھول کر عطیات دیں۔صاحب ثروت اور مخیر حضرات بھی اس کار خیر میں بڑھ چڑھ کر حصہ لیں۔