چیمپئنز ٹرافی کے انعقاد سے بورڈ کو کوئی نقصان نہیں ہوا،عامر میر

لاہور: پی سی بی چیئرمین کے ایڈوائزرعامرمیر نے وضاحت دی ہے کہ چیمپئنز ٹرافی کے انعقاد سے بورڈ کو کوئی نقصان نہیں ہوا-

باغی ٹی وی : لاہورمیں پی سی بی چیئرمین کے ایڈوائزرعامرمیر نے پی سی بی کے سی ایف او جاوید مرتضی کے ہمراہ پریس کانفرنس کرتے ہوئے کہا کہ چیمپئنز ٹرافی کے انعقاد سے بورڈ کو کوئی نقصان نہیں ہوا، چیمپئنزٹرافی کے لیے آئی سی سی کا 70 ملین ڈالر کا بجٹ تھا۔

عامر میر نے کہا کہ بورڈ نے کوئی رقم خرچ نہیں کی، چیمپئنز ٹرافی آئی سی سی کا ایونٹ تھا، پاکستان کرکٹ بورڈ کو نقصان ہونے والی خبریں بے بنیاد ہیں، بھارتی میڈیا پاکستان کے خلاف پروپیگنڈا کرتا رہتا ہے، بھارت کا پروپیگنڈا بے نقاب کرنے کے لیے حقائق بیان کرنا ضروری ہیں، محسن نقوی کے آنے کے بعد بورڈ کے اثاثوں میں اضافہ ہوا۔

موجودہ حالات میں قومی اتفاقِ رائے کی اشد ضرورت ہے، طارق فضل چوہدری

اس موقع پرپاکستان کرکٹ بورڈ کے سی ایف او جاوید مرتضی نے نیوز کانفرنس میں بتاہا کہ پاکستان کرکٹ بورڈ کو کوئی مالی نقصان نہیں ہوا، بورڈ کو تین ارب منافع کا تخمینہ ہے، پاکستان نے ثابت کیا ہم کوئی بھی بڑا ایونٹ کروا سکتے ہیں، پی سی بی نے کامیابی سے چیمپئنز ٹرافی کا انعقاد کروایا۔

ظلم ظلم کا راگ الاپنے والے اپنا دور بھول گئے؟تجزیہ:شہزاد قریشی