چند بیماریاں جو پہلے ہاتھوں پر اثر انداز ہوتی ہیں

ہاتھ ہمارے جسم کے انتہائی اہم اور بُنیادی عضو ہیں جن کا رابطہ سارے جسم سے ہوتا ہے ڈاکٹرز کا کہنا ہے کہ جسم میں مختلف جگہ پیدا ہونے والی کئی بیماریاں ایسی ہیں جو پیدا ہونے کی صورت میں ہاتھوں کی ظاہری حالت کو دیکھ کر پتہ لگائی جا سکتی ہیں
سُرخ ہاتھ:
ڈاکٹرز کا کہنا ہے کہ سُرخ ہاتھ لیور میں خرابی کی نشانی ہوسکتی ہے خاص طور پر اُس وقت اگر آپکی عمر 50 سال سے زیادہ ہے ہاتھ پر عام طور پر یہ سُرخی ہاتھ کے بیرونی کناروں پر موجود ہوتی ہے اور عام طور پر اسکی وجہ خون میں ہارمون بیلنس کی خرابی ہے جسکی وجوہات بلڈ ویسلز ڈایلیشن ہو سکتی ہیں اگر آپکے ہاتھ کے بیرونی کناروں پر سُرخی ہے تو ڈاکٹر سے ملکر صحیح وجہ کا جاننا ضروری ہے اسکے ساتھ کھانے میں صحت مند خوراک کو شامل کرنا بہت ضروری ہے
ناخن اور پوٹوں کا پھولنا:
اگر آپکی انگلیاں ڈرم سٹک کی طرح ناخنوں کے قریب سے پھولی ہوئی ہیں تو عام طور پر اسکی وجہ جسم میں آکسیجن لیول کی خرابی ہے اس کے علاوہ یہ دل اور لیور کی خرابی کی بھی وجہ ہوسکتی ہے ایسی صورت میں ڈاکٹر سے ملنا ضروری ہے
ہاتھوں میں پسینہ آنا:
ہاتھوں میں پسینہ آنا بہت سی بیماریوں کا سبب ہو سکتا ہے عام طور پر ہاتھوں میں زیادہ پسینہ آنا اوور ایکٹیو تھائیرائیڈ کی وجہ سے ہوتا ہے جو آپ کے پسینہ پیدا کرنے والے گلائینڈز کو زیادہ متحرک کر دیتا ہے اور وہ ضرورت سے زیادہ پسینہ پیدا کرتے ہیں سٹریس کی صورت میں بھی یہ پسینہ پیدا کرنے والے گلائینڈ زیادہ پسینہ پیدا کرنا شروع کر دیتے ہیں ہاتھوں میں زیادہ پسینہ آنے کی علامات کئی خطرناک بیماریوں جیسے دل کا دورہ ملیریا تیز بخار وغیرہ سے جُڑی ہیں اس لیے ان علامات کی صورت میں فوراً ڈاکٹر سے رابطہ کریں

ایگزیما کا آسان اور مفید گھریلو علاج

کمزور ناخن:
کمزور ناخن یا ناخنوں میں کریک پڑنا عام طور پر جسم میں زنک کی کمی کی وجہ سے ہوتا ہے ایسی صورت میں زیادہ زنک والی خوراک جیسے گوشت ڈرائی فروٹ اجناس وغیرہ کا استعمال زیادہ کرنا چاہیے اور ڈاکٹر سے بھی مشورہ کر لینا چاہیے
ہاتھوں میں سوئیاں چھبنا :
عام طور پر سو کر اُٹھنے کے بعد یہ علامات محسوس ہوتی ہیں جس میں ہاتھ یا جسم کا کوئی اور حصہ جسم کے ساتھ محسوس نہیں ہوتا اور جب ہم ہلتے ہیں تو اُس حصے میں سوئیاں چبھنا شروع ہو جاتی ہیں ایسا اس لیے ہوتا ہے کہ سونے کے دوران ہم جسم کے اُس حصے کے سینسر نروکو زیادہ دیر تک دبائے رکھتے ہیں اور جب اس نرو سے دباؤ ختم ہوتا ہے تو دوبارہ متحرک ہونے کے عمل میں متعلقہ حصے پر سوئیاں چھبتی محسوس ہوتی ہیں اس کے علاوہ اگر یہ علامات مسلسل محسوس ہو رہی ہوں تو یہ کئی خطرناک بیماریوں کا سبب ہو سکتی ہیں جن میں شوگر سر فہرست ہے
ہاتھوں کا کپکپانا:
ہاتھوں کا کپکپانا خطرناک بیماریوں کی وجہ ہو سکتا ہے خاص طور پر پارکنسن بیماری بہتر رہنمائی کے لیے فوراً کسی اچھے ڈاکٹر سے ملنا بہت ضروری ہے
ہاتھوں پر خشکی:
عام طور پر اس کی وجہ ڈی ہائڈریشن ہے اس کے علاوہ یہ ہارمونز میں خرابی کی صورت میں بھی ہاتھوں پر ظاہر ہوتی ہےڈی ہائڈریشن کےکنٹرول کے لیے زیادہ پانی پینا اور ہاتھوں پر مویسچرائزر کا استعمال اور اچھی خوراک خشکی کو ختم کردیتی ہے ۔
اس کے لیے آپ اپنے ڈاکٹر سے ملکر ہارمون ریپلیسمنٹ تھراپی بھی کروا سکتے ہیں