fbpx

چنیوٹ ڈویژنل کمشنر کارمضان بازارچنیوٹ کا دورہ

۔

چنیوٹ ڈویژنل کمشنر ثاقب منان نے چنیوٹ کا دورہ کیا اور ڈپٹی کمشنر سید مسعود نعمان کے ہمراہ رمضان بازارچنیوٹ اور چناب نگر کا وزٹ کیا اور اشیائے ضروریہ کی دستیابی،معیار اور قیمتوں کو چیک کیا،ڈپٹی کمشنر سید مسعود نعمان نے ڈویژنل کمشنرکو رمضان بازاروں کے حوالے سے بریفنگ دی،

اسسٹنٹ کمشنر غزالہ کنول،عملہ مارکیٹ کمیٹی و دیگر بھی موقع پر موجود تھے، ڈویژنل کمشنر نے ہدایت کی کہ صارفین کو معیاری اشیاء ہی فروخت کی جائیں،انہوں نے سستے رمضان بازارمیں موجود صارفین سے بازاروں میں فروخت ہونے والی اشیاء کی قیمتوں اور عام مارکیٹس میں ان کے نرخوں کے فرق کے بارے میں دریافت کیا،

انہوں نے پرائس لسٹ کو نمایاں جگہ پر آویزاں کرانے کی ہدایت کی اور مارکیٹ کمیٹی کے افسران سے کہا کہ بازاروں کے اوقات میں موجود رہ کر اشیاء کی سپلائی پر گہری نظر رکھی جائے،بعد ازاں ڈویژنل کمشنرنے ڈپٹی کمشنر کے ہمراہ کورونا ویکسینیشن سنٹر چناب نگر کا دورہ کیا اورشہریوں کو کورونا ویکسین لگانے کے عمل کاجائزہ لیا۔

انہوں نے کاؤنٹرز پر شہریوں کو ویکسین لگانے کے عمل کا جائزہ لیااوران سے ملاقات بھی کی۔اس موقع پرڈپٹی کمشنرنے ڈویژنل کمشنر کو بریفنگ دیتے ہوئے بتایا کہ ویکسینیشن سنٹرز پر میسج کی تصدیق کے بعد مختصر طبی معائنہ کرکے کورونا ویکسین لگائی جارہی ہے جبکہ انہیں کچھ دیر تک مشاہدہ میں بھی رکھا جاتا ہے،ڈپٹی کمشنرنے بتایا کہ ویکسینیشن مرکز پر تمام تر انتظامات کی نگرانی کی جاری ہے

اورمعمر افراد کی سہولت کیلئے سول ڈیفنس کا عملہ بھی تعینات ہے جو معذورومعمر بزرگ افراد کو وہیل چیئر کے ذریعے سنٹر کے اندر تک اور ویکیسن لگوانے کے بعد ان کی متعلقہ سواری تک لے جاتے ہیں،ڈپٹی کمشنر نے مزید بتایا کہ بزرگوں کو تمام تر سہولیات فراہم کی جارہی ہیں اور انہیں بلاجواز انتظار سے بچانے کے لئے کاؤنٹرز پر موجود سٹاف کو واضح ہدایات جاری کی گئی ہیں۔

ڈویژنل کمشنر نے سنٹرمیں بیٹھنے کے مناسب انتظامات،ٹائلٹ اور پارکنگ کی سہولت سنٹر پر ویکسینیشن کے عمل اور کورونا ایس اوپیز کے تحت انتظامات کو بھی چیک کیا،انہوں نے بزرگ شہریوں اور ان کے اٹینڈنٹس سے اپیل کی کہ وہ تصدیقی میسج کے بعد مقررہ تاریخ کو ہی سنٹر تشریف لائیں تاکہ ان کی ویکسینیشن کی جاسکے، اسسٹنٹ کمشنر فضل عباس،ڈپٹی ڈسٹرکٹ ہیلتھ آفیسر ڈاکٹر شفقت الرحمن و دیگر بھی موجود تھے