چارسدہ،یوم شہدائے پولیس کے حوالے سے تقریب کا انعقاد کیا گیا

0
43

4اگست یوم شہدائے پولیس کے حوالے سے ٹی ایم اے ہال چارسدہ میں شہداء کو حراج عقیدت پیش کرنے کے لئے تقریب منعقد ہوئی۔بہادر پولیس افسران کی قربانیوں کو خراج تحسین پیش کرنے کے لیے منعقدتقریب میں ڈسٹرکٹ پولیس آفیسر چارسدہ محمد عارف، ڈپٹی کمشنر چارسدہ عدنان فرید آفریدی اور چارسدہ کے تحصیل مئیر مفتی عبدالروف شاکر کے علاوہ دیگر معززین جبکہ پولیس شہداء کے اہل خانہ نے شرکت کی۔تقریب کا آغاز تلاوت کلام پاک سے ہوا، مقررین نے تقاریر میں ملک و قوم کی حفاظت کی خاطر شہید ہونے والے پولیس افسران کی بہادری کوسراہا اور ان کی لازوال قربانی پر انکو خراج عقیدت پیش کیا۔ چارسدہ کی حفاظت کو یقینی بنانے میں پولیس فورس کی خدمات کا بھی اعتراف کیا،شہیدوں کی بہادری کو ہمیشہ یاد رکھنے کے لیے محکمہ پولیس کے ساتھ کھڑے ہو کر تعاون کرنے کی اہمیت پر زور دیا گیا۔ سول سوسائٹی کی جانب سے پیش کئے گئے نظم میں شہیدہونے والے بہادر سپوتوں کے لیے اجتماعی تشکر اور احترام کا اظہار تھا۔
اس تقریب نے غمزدہ خاندانوں کے ساتھ اظہار یکجہتی اور حمایت کا ایک موقع بھی فراہم کیا اور انہیں یقین دلایا گیا کہ چارسدہ کی عوام ان کے غم اور فکر میں ان کے ساتھ کھڑی ہے۔پروگرام کے اختتام پر ڈی پی او چارسدہ محمد عارف نے کہا کہ ہم اپنے شہید اہلکاروں کی بہادری اور قربانیاں کبھی نہیں بھولیں گے اور ان کی قربانیوں کو آگے بڑھانے اور اپنے فرض کی ادائیگی کے دوران ان اقدار کو برقرار رکھنے کے عزم سے عوام کی خدمت کرتے رھیں گے۔

Leave a reply