چرس شریف لوگ پیتے ہیں، پینے کی اجازت دی جائے،شہری سندھ ہائیکورٹ پہنچ گیا

باغی ٹی وی کی رپورٹ کے مطابق چرس پینے کی اجازت لینے کے لیے شہری سندھ ہائیکورٹ پہنچ گیا

سندھ ہائیکورٹ میں دائر درخواست میں شہری غلام اصغر سائیں کی جانب سے کہا گیا ہے کہ 10 گرام تک چرس پینے کی اجازت دی جائے،

سندھ ہائیکورٹ کے جسٹس محمد علی مظہرنے درخواست پر اظہار برہمی کرتے ہوئے کہا کہ یہ آپ کیسی درخواست لے کر آئے ہیں ،کیا آپ چاہتے ہیں ملک میں سب لوگ چرس پینا شروع کردیں؟۔

عدالت نے کہا کہ بتائیں آپ پر کتنا جرمانہ عائد کیا جائے ،درخواست گزار غلام اصغر سائیں نے کہا کہ غریب آدمی ہوں مفاد عامہ کی درخواست لیکر آیا ہوں ، 10 گرام چرس رکھنے پر جرمانہ بھی ختم کیا جائے ،چرس شریف لوگ پیتے ہیں جنہیں پولیس تنگ کرتی ہے،دنیا کے بیشتر ممالک میں چرس پینے کی اجازت ہے ۔

عدالت نے ریمارکس دیتے ہوئے کہا کہ آپ کو پینی ہے تو ان ممالک میں چلے جائیں یہاں اجازت نہیں ،ایسی درخواستیں عدالت میں کیوں لے کر آتے ہیں ،

درخواست گزار نے عدالت میں کہاکہ چرس پینے کی اجازت دینے سے ملک میں کی آمدنی بڑھے گی اور ریونیو بنے گا، عدالت نے ریمارکس دیتے ہوئے کہا کہ نہیں چاہئے ایسا ریونیو ،آمدنی بڑھانے کے اوربھی جائزطریقے ہیں ۔درخواست میں وزارت قانون، وفاق اور دیگر کو فریق بنایاگیا تھا،

عدالت نے درخواست ناقابل سماعت قرار دے کرمسترد کردی۔

جواب چھوڑیں

آپ کا ای میل ایڈریس شائع نہیں کیا جائے گا.