fbpx

آصف زرداری سے چودھری شجاعت کی ملاقات، سیاسی صورتحال پر تبادلہ خیال

لاہور:سابق صدر آصف زرداری سے مسلم لیگ (ق) کے صدر چودھری شجاعت حسین نے ملاقات کی ہے۔اطلاعات کے مطابق بلاول ہاؤس میں دونوں رہنماؤں کے درمیان ہونے والی ملاقات تقریباً ایک گھنٹے تک جاری رہی، اس موقع پر مسلم لیگ ق کے رہنما چودھری شافع حسین اور وفاقی وزیر چودھری سالک حسین بھی موجود تھے۔

الیکشن کمیشن نے سیاسی جماعتوں کےغیر ذمہ دارانہ بیانات کا نوٹس لے لیا

تفصیلات کے مطابق دونوں رہنماؤں کی مسلم لیگ (ن) کی قیارت سے بھی رابطہ ہوا اور پنجاب کی تازہ صورتحال پر تبادلہ خیال کیا۔ علاوہ ازیں چوہدری شجاعت نے سندھ میں بلدیاتی انتخابات میں کامیابی پر آصف علی زرداری کو مبارکباد پیش کی۔

پنجاب میں عمران خان سےمشورہ کرکے نگراں وزیراعلیٰ کے نام دیں گے:پرویز الٰہی

اس حوالے سے بتایا گیا کہ آصف زرداری اور چوہدری شجاعت کے درمیان ہونے والی ملاقات تقریباً ایک گھنٹہ جاری رہی ،ذرائع نے بتایا کہ ملاقات میں ملکی اور پنجاب کے عام انتخابات سمیت دیگر سیاسی صورتحال بھی زیر غور آئی جبکہ دونوں رہنماؤں نے اس امر پر اتفاق کا اظہار کیا کہ ملکی معیشت کو اس وقت سنگین معاشی چیلنجز کا سامنا ہے۔

ن لیگ کا نگراں وزیراعلیٰ پنجاب کیلئے تین ناموں پر غور شروع

دونوں رہنماؤں نے اتفاق کا اظہار کیا کہ ہم سب کو مل کر پاکستان کے معاشی چیلنجز کو کنٹرول کرنا ہے تاکہ معیشت مضبوط ہو تو سیاست بھی ہوگی۔