چودھری شجاعت حسین ایک منجھے ہوئے سیاستدان ہیں،عبدالحفیظ شیخ

سابق وزیراعظم چودھری شجاعت حسین، سپیکر پنجاب اسمبلی چودھری پرویزالٰہی اور وفاقی وزیر ہاؤسنگ طارق بشیر چیمہ سے سینیٹ کیلئے اسلام آباد سے پی ٹی آئی کے امیدوار عبدالحفیظ شیخ کی ملاقات ہوئی۔ وفد میں قومی اسمبلی کے چیف وہپ عامر ڈوگر اور چودھری ارشد شامل تھے۔ ملاقات میں سیکرٹری پنجاب اسمبلی محمد خان بھٹی، چودھری صباحت الٰہی، ڈاکٹر ریاض تسلیم، چودھری جاوید چٹھہ اور رانا خالد بھی موجود تھے۔
ملاقات میں ملکی سیاسی صورتحال اور باہمی دلچسپی کے امور پر تبادلہ خیال کیا گیا۔
چودھری شجاعت حسین کا کہنا ہے کہ حکومتی اتحادی ہونے کے ناطے عبدالحفیظ شیخ کو بھرپور سپورٹ کریں گے۔ وزیراعظم عمران خان پاکستان کو ترقی کی راہ پر گامزن کرنا چاہتے ہیں۔ عمران خان کی نیت صاف ہے، وہ عوام کیلئے کچھ کرنے کا جذبہ رکھتے ہیں۔ ملک و قوم کی بہتری کیلئے وزیراعظم کو مشکل فیصلے کرنا ہوں گے۔
عبدالحفیظ شیخ نے چودھری شجاعت حسین اور عبدالحفیظ شیخ نے چودھری پرویزالٰہی کا شکریہ ادا کیا اور کہا کہ چودھری شجاعت حسین ایک منجھے ہوئے سیاستدان ہیں۔ مجھے ان کی بھرپور حمایت کی ضرورت ہے۔ پاکستان میں آپ کا بڑا مقام ہے، ملکی و عالمی حالات پر آپ کی گہری نظر ہے۔حکمران جماعت اپنے اتحادیوں کے ساتھ مل کر ترقی کا سفر جاری رکھے ہوئے ہے۔

جواب چھوڑیں

آپ کا ای میل ایڈریس شائع نہیں کیا جائے گا.