چوہدری شجاعت حسین کو پارٹی سےنکالنےکی بات کرنااپنی ذہنی حالت بتانےکےمترادف ہے:سالک حسین

مسلم لیگ (ق) کے صدر چوہدری شجاعت حسین کو پارٹی سے ہی نکالنے کی باتوں پر ان کے بیٹے چوہدری سالک حسین میدان میں آگئے ہیں۔ان کا کہنا تھا کہ چوہدری شجاعت حسین کو پارٹی سے نہیں نکالنا چاہیے تھا وہ ایک منجھے ہوئے سیاستدان ہیں

اپنی ٹوئٹ میں چوہدری سالک حسین نے کہا کہ چوہدری شجاعت حسین کو پارٹی سے نکالنے کی بات کر نا اپنی ذہنی حالت بتانے کے مترادف ہے۔

مسلم لیگ ق کاچوہدری شجاعت حسین کو پارٹی صدارت سے ہٹانےکا فیصلہ

https://twitter.com/ChSalikHussain/status/1553279726353092608

چوہدری سالک حسین نے مزید کہا کہ چوہدری شجاعت حسین نے ملکی مفاد پر ذاتی مفاد کو ترجیح دے کر منافقانہ روش اپنانے اور فرد واحد کو نوازنے کی بجائے سیاسی شعور کے مطابق ملک و قوم کو بے راہ روی اور انتشار سے بچانے کا فیصلہ کیا۔

رکن قومی اسمبلی کا مزید کہنا تھا کہ چوہدری شجاعت کی ذہنی صحت غلامانہ ذہنیت سے بہتر ہے۔

چوہدری شجاعت نے PTI اور PMLQ کوماموں بنادیا جواد احمد

چوہدری پرویز الہیٰ اور حمزہ شہباز کے درمیان وزارت اعلیٰ کے انتخاب کے موقع پر ڈپٹی اسپیکر نے مسلم (ق) کے صدر چوہدری شجاعت حسین کے خط کی بنیاد پر 10 ووٹ نہ گننے کی رولنگ دی اور اسی بنیاد پر حمزہ شہباز کی جیت کا اعلان کیا تھا۔

بعد ازاں سپریم کورٹ نے ڈپٹی اسپیکر کی رولنگ کو غیر آئینی قرار دے دیا جس کے بعد چوہدری پرویز الہیٰ نے وزیر اعلیٰ کا حلف لے لیا۔

لاہور: آصف علی زرداری کی چوہدری شجاعت حسین سے ملاقات

دوسری جانب چوہدری شجاعت کو ان کی بیماری کی بنیاد پر پارٹی صدارت سے ہٹانے کی باتیں گردش کرنے لگیں جس کی تائید پارٹی کے سینیٹر کامل علی آغا نے بھی کی۔