چین دنیا کی ابھرتی طاقت،کشمیر پر پاکستان کے ساتھ ہے، فردوس عاشق اعوان

وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ چین نے ایک بار پھر مسئلہ کشمیر پر پاکستان کی حمایت کر کے ثابت کیا کہ وہ حق اور سچ کے ساتھ ہے۔ دونوں ممالک کی مابین دوستانہ اور قریبی تعلقات کا تقاضا تھا کہ پاکستان اپنے دوست کو مودی کے سیاہ اقدام پر اعتماد میں لے۔

باغی ٹی وی کی رپورٹ کے مطابق فردو عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ چین دنیا کی ابھرتی ہوئی طاقت ہے، مظلوم کشمیریوں کی حمایت میں پاکستان کے موقف کی تائید پر سدا بہار دوست کا شکریہ ادا کر تے ہیں۔۔

ایک اور ٹویٹ میں فردوس عاشق اعوان نے کہا کہ دنیا خطے کو پر امن بنانے کیلئے وزیراعظم کی سوچ کے ساتھ کھڑی ہےجس کا واضح ثبوت چین کا پاکستان کی حمایت پر دو ٹوک موقف ہے. پاکستان ایک زمہ دار ریاست کے طور پر بین الاقوامی قوانین اور اقوام متحدہ کی قراردادوں کے مطابق مسلۂ کشمیر کے حل کا منتظر ہے

فردوس عاشق اعوان کا مزید کہنا تھا کہ یو این سیکرٹری جنرل کا دو ٹوک بیان کہ بھارت کشمیر کی حیثیت بدلنے سے باز رہے پاکستان کے موقف کی ترجمانی ہے۔مسئلہ کشمیر کا حل سلامتی کونسل کی قراردادوں کے تحت ہونا مودی کا اقدام جمہوریت اور بین الاقوامی قوانین پر کھلا حملہ ہے۔یہ اقدام ثبوت ہے کہ وہ جمہوری روایات پر یقین نہیں رکھتے

ایک اور ٹویٹ میں فردوس عاشق اعوان کا مزید کہنا تھا کہ صرف مسلمان آبادی والی ریاست کا سپیشل سٹیٹس ختم کرنا اس بات کا ثبوت ہے کہ ہٹلر مودی انتہا پسندانہ سوچ کو پروان چڑھایا جا رہا ہے۔مودی کے غیر قانونی اقدام نے بھارت کے خود ساختہ الحاق کی دستاویز کو غیر موثر کر دیا۔کشمیر آج ۲۶ اکتوبر ۱۹۴۷ کی پوزیشن پر ہے۔