چینی کی قیمت پھر سے آسمان سے باتیں کرنے لگی ، مافیا کو جواب دینے کے لیے اہم مطالبہ سامنے آگیا

0
47

چینی کی قیمت پھر سے آسمان سے باتیں کرنے لگی ، مافیا کو جواب دینے کے لیے اہم مطالبہ سامنے آگیا

باغی ٹی وی : چینی کی قیمت پھر سے آسمان سے باتیں کرنے لگی، اس وجہ نجی شعبہ نے حکومت سے چینی در آمد کرنے کی اجازت طلب کر لی ، اور چینی درآمد کرنے کا مطالبہ کیا جارہا ہے

چینی کی قیمت میں ایک بار پھر اضافہ جاری ہے اور چینی کی قیمت دوبارہ 100روپے کلو کی سطح پر پہنچ گئی ہے اس سلسلے میں خدشہ ظاہر کیا جا رہا ہے کہ یہ قیمت110روپے کلو اور رمضان المبارک میں 150 روپے کلو تک پہنچنے کا اندیشہ ہے۔

چینی کی بیرون ملک سے در آمد بند ہونے کے بعد طاقتور شوگر مافیا نے پھر سے عوام کا جینا محال کر رکھا ہے اور چینی کی قیمت بڑھ کر ایک بار پھر100روپے کلو کی سطح پر پہنچ گئی ہے. دنوں چینی کی قیمت گھٹ کر90روپے کی سطح تک آگئی تھی . ذرائع کے مطابق چینی کی 40کلو بوری کی قیمت 4600 تا 4800 تک پہنچنے کے امکانات ہیں جس کے بعد چینی کی قیمت 110 روپے یا اس سے بھی بڑھ سکتی ہے۔

دوسری جانب پاکستان سیرل ایسوسی ایشن کے چیئرمین اور در آمد کنندہ مزمل چیپل نے کہا ہے کہ حکومت چینی کی قیمت میں کمی کیلئے فوری طور پر نجی شعبے کو ٹیکس فری چینی در آمد کرنے کی اجازت دے ،انہوں نے بتایا کہ نجی شعبہ کو در آمدی چینی 82روپے تک پڑتی ہے اور نجی شعبہ در آمدی چینی کو ذخیرہ کرنے کے بجائے 86تا88روپے کلو میں فروخت کو ترجیح دیتا ہے ،مزمل چیپل کا مزید کہنا تھا کہ حکومت اپنی پالیسیوں میں مستقل مزاجی دکھائے اور گزشتہ سال کی طرح امسال بھی چینی کی ٹیکس فری در آمد کی اجازت دی جائے تا کہ رمضان المبارک میں چینی کی قیمت میں کمی کو ممکن بنایا جاسکے ،

دوسری طرف حکومت پاکستان نے 50 ہزار میٹرک ٹن چینی اور 3 لاکھ ٹن گندم کی درآمد کے لیے دوبارہ انٹرنیشنل ٹینڈرز جاری کردیے۔
چیئرمین ٹریڈنگ کارپوریشن آف پاکستان ریاض میمن نے کہا ہے کہ چینی اور گندم کی درآمد کے ٹینڈرز کی بولیاں 16 مارچ تک موصول ہوں گی اور اسی روز اوپن کردی جائیں گی۔انہوں نے کہا کہ گندم جولائی میں پاکستان پہنچے گیئی ٹی سی پی نے چینی اور گندم کی درآمد کے پہلے ٹینڈرز مہنگی بولیاں موصول ہونے پرمنسوخ کیے تھے

Leave a reply