وزیراعلیٰ کا گردوں، جگر، بون میرو ٹرانسپلانٹ سمیت 8 بیماریوں کے مفت علاج کا اعلان

0
41

پشاور: وزیراعلیٰ کا گردوں، جگر، بون میرو ٹرانسپلانٹ سمیت 8 بیماریوں کے مفت علاج کا اعلان ،اطلاعات کے مطابق خیبر پختون خوا حکومت نے گردوں، جگر، بون میرو ٹرانسپلانٹ اور تھیلیسیمیا سمیت آٹھ بیماریوں کے مفت علاج کا اعلان کیا ہے۔ اوریہ سہولیات فراہم کرکے وزیراعلٰی خیبر پختونخواہ محمود خان باقی صوبوب پر سبقت لے گئے ہیں

پشاور سے ملنے والی حکومتی اطلاعات کے مطابق مستحق لوگوں کے مفت علاج کے لیے وزیر اعلیٰ محمود خان نے انقلابی قدم اٹھا لیا، صوبے میں کڈنی، لیور، بون میرو ٹرانسپلانٹ، تھیلیسیمیا سمیت 8 بیماریوں کا مفت علاج ہوگا۔

یہ فیصلہ وزیر اعلیٰ خیبر پختون خوا محمود خان کی زیر صدارت اجلاس میں کیا گیا، مذکورہ بیماریوں کا علاج صحت کارڈ پلس اسکیم کے تحت ہو یا اس کے لیے الگ پروگرام کا اجرا کیا جائے، اس امر پر بھی اجلاس میں غور کیا گیا، وزیر اعلیٰ نے دونوں آپشنز پر ہوم ورک کر کے تجاویز پیش کرنے کی ہدایت جاری کی۔

محمود خان نے عزم کا اظہار کیا کہ مستحق لوگوں کو مہنگی بیماریوں کے علاج کی مفت سہولت فراہم کرنی ہے، حکومت کی ذمہ داری ہے کہ کمزور طبقوں کا خصوصی خیال رکھے۔

اجلاس میں صحت کارڈ اسکیم کے علاوہ فوڈ کارڈ اسکیم اور ایجوکیشن کارڈ اسکیم سے متعلق بھی گفتگو کی گئی، وزیر اعلیٰ نے کہا کہ مجوزہ فوڈ کارڈ اسکیم کے تحت مستحق خاندانوں کو ماہانہ مفت راشن فراہم کیا جائے گا، جب کہ ایجوکیشن کارڈ اسکیم کے تحت مستحق طلبہ کے تعلیمی اخراجات حکومت ادا کرے گی۔

وزیر اعلیٰ کے پی نے متعلقہ حکام کو 2 سے 3 ماہ میں مذکورہ اسکیموں کے اجرا کو حتمی شکل دینے کی ہدایت کرتے ہوئے کہا کہ ایجوکیشن کارڈ، فوڈ کارڈ اور کسان کارڈ اسکیموں پر عمل درآمد یقینی بنائیں گے۔

یاد رہے کہ کے پی میں طبی سہولیات کی فراہمی کے مقابلے میں‌پنجاب اورسندھ حکومتوں‌ کی طرف سے بہتر سے بہترطبی سہولیات کی فراہمی کے دھڑا دھڑا وعدے کیے جارہے ہیں مگراس پرعمل ہوتا دکھائی نہیں دیتا

ادھر کے پی میں‌ چند دن پہلے ایک عوامی سروسے میں بھی بات سامنے آئی تھی کہ کی پی اب ایسا صوبہ بن گیا ہےکہ جہاں کی عوام صوبے کی طرف سے دی گئی طبی سہولیات ملنے سے سب سے زیادہ مطمئن اورخوش ہیں

Leave a reply