fbpx

چائلڈ لیبر اخلاقی جرم ہے اس کے خلاف مہم کا آغاز

مظفر گڑھ بچوں سے مزدوری کرانا قانوناً جرم ہے بچوں اور بچیوں کو زیور تعلیم سے آراستہ کر کے ہم ان کا مستقبل روشن بنا سکتے ہیں چائلڈ لیبر کے خاتمے کے لیے تمام مکاتب فکر کو اپنا کردار ادا کرنا چاہیے ان خیالات کا اظہار سماجی تنظیم سائیکوپ اور برٹش کونسل کے پروگرام آواز دو کے زیر اہتمام کمیونٹی کی سطح پر منعقدہ آگاہی سیشن سے خطاب کرتے ہوئے مقررین محمد قاسم، امجد پرویز، مجاہد رسول، رقیہ عباس اور نسیم اختر نے کیا ۔

اس موقع پر مقررین نے کہا کہ پنجاب بھر میں 16 سال سے کم عمر بچوں اور بچیوں سے مزدوری کروانا قانوناً ممنوع ہے اس سلسلہ میں عوام کہیں بھی بچوں یا بچیوں کو مزدوری کرتا دیکھیں تو ضلعی لیبر آفیسر کو اطلاع دیں اور تعلیم حاصل کرنا ہر بچے اور بچی کا بنیادی حق ہے اس موقع پر ویلج فورم بلو سندیلہ کے اراکین بھی موجود تھے اس موقع پر مقررین نے چائلڈ لیبر کے حوالے سے بنائے گئے قوانین پر روشنی ڈالی اور قوانین پر مکمل عملدرآمد کیلئے متعلقہ اداروں سے مطالبہ کیا ہے

مجیب الرحمٰن شامی باغی ٹی وی مظفر گڑھ