میں شریف فیملی کی نسل کو جیل میں دیکھ رہا ہوں ، خواجہ آصف نے کھلبلی مچا دی

اسلام آباد:اس وقت شریف فیملی کی اولادیں جیل میں ہیں . ان کے جیل جانے سے قوم کے اتحاد کو نقصان پہنچے گا، ان خیالات کا اظہار مسلم لیگ ن کے رہنما خواجہ آصف نے قومی اسمبلی میں خطاب کے دوران کیا .خواجہ آصف نےقومی اسمبلی میں اظہارخیال کرتے ہوئے کہا کہ آج جمہوریت کا گلا گھونٹا جا رہا ہے،یکطرفہ کارروائیاں ناقابل قبول ہیں،

خواجہ آصف نے قومی اسمبلی میں خطاب کرتے ہوئے کہا کہ ہم نے جمہوریت کو بچانے کے لیے دھرنوں اور احتجاجوں کو برداشت کیا، پاکستان کی تاریخ میں کسی نے اتنا برداشت نہیں کیا، ہم فرنٹ دروازے سے ایوان کے اندر نہیں آ سکتے تھے لوگ ایوان کی دیواروں پر کپڑے سکھاتے تھے۔

خواجہ آصف نے خطاب کرتے ہوئے کہا کہ اگر حکومت ہندوستان کو مسئلہ کشمیر پر جواب دینا چاہتی تو اس طرح قوم کو تقسیم نہ کرتی،لیگی رہنماؤں کا کیا قصورتھا،ہم ان کارروائیوں کا ایوان کے اندر اور باہر مقابلہ کریں گے، خواجہ آصف کی تقریر کے دوران حکومتی اراکین کا شور شرابہ کیا،حکومتی اراکین نےخواجہ آصف کو ماڈل ٹاون جیسے واقعات یاد دلائے اور کہا کہ وہ بھول گئے ہیں کیا؟