fbpx

جمہوریہ چلّی کے وزیر خارجہ کا ٹیلیفونک رابطہ ، کوہ پیماؤں کی گمشدگی پراظہارتشویشش

وزیر خارجہ مخدوم شاہ محمود قریشی کا جمہوریہ چلّی کے وزیر خارجہ ایندرس الامند (Andres Allamand) کے ساتھ ٹیلیفونک رابطہ

وزیر خارجہ مخدوم شاہ محمود قریشی نے جمہوریہ چلّی کے وزیر خارجہ سے ہونے والے اس رابطے میں کے ٹو موسم سرما مہم کے دوران لاپتہ ہونے والے جمہوریہ چلّی کے کوہ پیما جون پبلو مُہر کے حوالے سے تبادلہ ء خیال کی- وزیر خارجہ نے کوہ پیماؤں کی گمشدگی پر گہری تشویش کا اظہار کرتے ہوئے جمہوریہ چلی کے وزیر خارجہ کو، لاپتہ کوہ پیماؤں کا کھوج لگانے کیلئے اب تک کی گئی کاوشوں سے آگاہ کیا- مخدوم شاہ محمود قریشی نے یقین دہانی کروائی کہ ناخوشگوار موسمی حالات کے باوجود، پاک فوج ایوی ایشن کے ہیلی کاپٹروں کے ذریعے دشوار گزار پہاڑی علاقے میں کوہ پیماؤں کی تلاش کا سلسلہ مسلسل جاری ہے –

وزیر خارجہ نے چِلّی کے وزیر خارجہ کو یقین دلایا کہ ان لاپتہ ھیروز کی تلاش میں کوئی کسر نہیں چھوڑی جائے گی- چِلّی کے وزیر خارجہ ایندرس الامند نے لاپتہ کوہ پیماؤں کی تلاش کیلئے شروع کیے گئے سرچ اینڈ ریسکیو آپریشن کو سراہتے ہوئے پاکستان کی طرف سے کی جانے والی کاوشوں پر وزیر خارجہ مخدوم شاہ محمود قریشی کا شکریہ ادا کیا- دونوں وزرائے خارجہ نے پاکستان اور جمہوریہ چِلّی کے مابین دو طرفہ تعلقات کی نوعیت پر اطمینان کا اظہار کرتے ہوئے بین الاقوامی سطح پر باہمی دلچسپی کے امور پر دو طرفہ تعاون کے فروغ پر اتفاق کیا-

جواب چھوڑیں

آپ کا ای میل ایڈریس شائع نہیں کیا جائے گا.