ایران ،امریکہ کشیدگی ،امریکی پابندیاں مسترد چین ایران سے گیس خریدنے میں دلچسپی لینے لگا

راوالپنڈی:خطے میں ایران امریکہ کشیدگی اور ایران پر امریکی پابندیوں کے دوران ہی چین نے اپنے رابطے ایران سے بڑھانے شروع کر دیئے ہیں۔ معتبر ذرائع کے مطابق ایسی اطلاعات ملی ہیں کہ چین امریکی پابندیوں کی پروا کیے بغیر ایران سے ایل پی جی گیس خریدنے میں دلچسپی ظاہر کر رہا ہے۔ چین اس وقت اپنے ایندھن کا 5 فیصد ایل پی جی کی صورت میں استعمال کر رہا ہے۔ چینی حکام کا یہ کہنا ہے کہ امریکہ کی چین پر تجارتی پابندیوں کے بعد اب چین کے پاس متبادل حل تلاش کرنے کے سوا کوئی چارہ نہیں تھا ۔

ایران سے ایل پی جی گیس معاہدے پر امریکی حکام بھی نظر رکھے ہوئے ہیں اور ہو سکتا ہے کہ امریکہ ایران اور چین کے درمیان ہونے والے اس معاہدے میں روڑے اٹکانے کی کوشش کرے ۔ ذرائع کے مطابق چین حکام ایران سے ایل پی جی معاہدے کے حتمی ہونے کےقریب ہہنچ چکے ہیں۔ یاد رہے کہ امریکہ اور ایران کے درمیان اس وقت سخت کشیدگی پائی جا رہی ہے اور امریکہ اس وقت ایران کو معاشی طور پر کمزور کرنے کی کوشش کررہا ہے۔ دوسری طرف روس بھی ایران سے پاکستان کو گیس کی فراہمی کے منصوبے کو عملی جامہ پہنانے کے لیے پاکستانی حکام سے رابطے میں ہے

جواب چھوڑیں

آپ کا ای میل ایڈریس شائع نہیں کیا جائے گا.