چینی وزیر خارجہ پاکستان پہنچ گئے، شاہ محمود قریشی نے کیا استقبال

چین کے وزیر خارجہ اسلام آباد پہنچ گئے

باغی ٹی وی کی رپورٹ کے مطابق چین کے وزیر خارجہ اسلام آبا د پہنچ گئے، نورخان ائیر بیس پر پاکستانی وزیر خارجہ شاہ محمود قریشی نے ان کا استقبال کیا.

نورخان ائیر بیس پر میڈیا سے گفتگو کرتے ہوئے وزیر خارجہ شاہ محمود قریشی نے کہا کہ پاکستان ،چین اورافغانستان کے سہ فریقی مذاکرات ہور ہےہیں،افغانستان میں امن و امان سے پورا خطہ ترقی کرے گا،قیام امن سے افغانستان بھی گوادر بندر گاہ سے فوائد حاصل کر سکے گا،

واضح رہے کہ پاکستان افغانستان اور چین کے درمیان سہ فریقی مذاکرات آج اسلام آباد میں ہونگے۔ تین ممالک کے مابین مذاکرات میں افغان امن عمل اور خطے کی صورتحال پر بات چیت ہوگی۔چین کے وزیر خارجہ وانگ ثی مذاکرات میں شرکت کے لیے آج اسلام آباد پہنچیں گے۔

مذاکرات میں پاکستانی وفد کی قیادت وزیرخارجہ شاہ محمود قریشی جبکہ چینی وفد کی قیادت چینی وزیرخارجہ وانگ ژی کرینگے جبکہ افغان وفد کی قیادت افغان وزیرخارجہ صلاح الدین ربانی کریں گے

پاک چین اقتصادی راہداری کی افغانستان تک توسیع ایجنڈےکاحصہ ہے،افغان امن ومفاہمتی عمل پرسہ فریقی مشاورت کی جائے گی،افغان مفاہمتی عمل پراب تک کی پیشرفت کا جائزہ لیا جائے گا،افغانستان کےاندرترقیاتی عمل میں پاک چین کردارپربات چیت ہوگی