چینی وزیر خارجہ کل ہفتہ کو آئیں گے پاکستان، ہوں گے سہہ فریقی مذاکرات

0
34

پاکستان افغانستان اور چین کے درمیان سہ فریقی مذاکرات کل اسلام آباد میں ہونگے۔

باغی ٹی وی کی رپورٹ کے مطابق تین ممالک کے مابین مذاکرات میں افغان امن عمل اور خطے کی صورتحال پر بات چیت ہوگی۔چین کے وزیر خارجہ وانگ ثی مذاکرات میں شرکت کے لیے کل اسلام آباد پہنچیں گے۔

ذرائع کے مطابق افغانستان کی جانب سے شرکت کرنے والے وفد میں ایک بار پھر تبدیلی کی گئی ہے، افغان مشیر قومی سلامتی حمداللہ محب افغان صدر کے ساتھ واشنگٹن جارہے ہیں جس کے سبب وزیرخارجہ صلاح الدین ربانی مذاکرات میں شرکت کرینگے۔ پاکستانی وفد کی قیادت وزیرخارجہ شاہ محمود قریشی جبکہ چینی وفد کی قیادت چینی وزیرخارجہ وانگ ژی کرینگے جبکہ افغان وفد کی قیادت افغان وزیرخارجہ صلاح الدین ربانی کریں گے

پاک چین اقتصادی راہداری کی افغانستان تک توسیع ایجنڈےکاحصہ ہے،افغان امن ومفاہمتی عمل پرسہ فریقی مشاورت کی جائے گی،افغان مفاہمتی عمل پراب تک کی پیشرفت کا جائزہ لیا جائے گا،افغانستان کےاندرترقیاتی عمل میں پاک چین کردارپربات چیت ہوگی

واضح رہے کہ چین کے وزیر خارجہ نے بھارت جانا تھا انہوں نے بھارت کا دورہ منسوخ کر دیا

Leave a reply