fbpx

چین اورآسٹریلیا میں بھی کورونا کی بھارتی قسم کے خطرات منڈلانے لگے

کورونا کی بھارتی قسم ڈیلٹا ویرئینٹ نے امریکا کے بعد آسٹریلیا اور چین میں خطرے کی گھنٹی بجا دی –

باغی ٹی وی : غیر ملکی میڈیا کےمطابق آسٹریلیا سمیت مختلف ملکوں میں کورونا کی بھارتی ڈیلٹا قسم کا پھیلاؤ جاری ہے لاک ڈاؤن کے باوجود سڈنی میں ڈیلٹا ویرئینٹ تیزی سے پھیلا، سڈنی میں کورونا کے ایک دن میں ریکارڈ 239کیسز رپورٹ ہوئے جس کے بعدحکام نے5 ہفتوں سے نافذ لاک ڈاؤن میں 28اگست تک توسیع کر دی ہے ۔

دوسری جانب بھارتی ڈیلٹا ویرئینٹ چین میں بھی پھیل رہا ہے ، چین میں متاثرہ شہر ننجنگ میں انٹرنیشنل ائیرپورٹ بند کر دیا گیا ہے ،ننجنگ میں پوری آبادی کی تیسری مرتبہ کورونا ٹیسٹنگ کی جا رہی ہے ، چین بھر میں گزشتہ روز کورونا کے 49 کیس رپورٹ ہوئے ہیں ۔

ادھر کمبوڈیا نے آج رات سے تھائی لینڈ کی سرحد کے ساتھ 8صوبوں میں لاک ڈاؤن کا اعلان کیا ہے ۔

امریکا میں عالمی وبا کورونا وائرس کی بھارتی قسم ڈیلٹا کے پیش نظرامریکی ادارے سینٹر فار ڈیزیز کنٹرول ( سی ڈی سی) نے ہدایت کی ہے کہ مکمل طور پر ویکسین لگوانے کے باوجود دفاتر اور دیگر عوامی مقامات پر ماسک پہنے جائیں انتہائی متاثرہ علاقوں میں ویکسین شدہ افراد کو بھی ماسک کا استعمال بحال کرنا چاہیے۔

کورونا کی بھارتی قسم ڈیلٹا نے امریکا میں خطرے کی گھنٹی بجا دی