اگلے پانچ سالوں میں گوادر بزنس کا حب ہوگا.گورنر پنجاب

گورنر پنجاب کا گوادر میں منعقدہ راولپنڈی چمبر آف کامرس کے گرین اینڈ کلین اور بزنس سیمینار میں شرکت. سیمینار میں وسط ایشیائی ممالک ازبکستان، تاجکستان، کرغستان اور قازقستان کے چار سفارتکاروں نے بھی شرکت کی. بزنس سیمینار میں صوبہ پنجاب کے وزراء میاں محمود الرشید اور اختر ملک بھی خصوصی طور پر شریک رہے.

گورنر پنجاب نے سیمینار سے اپنے خطاب میں کہا کہ پنجاب کے بزنس کمیونٹی کے لوگوں کا گوادر میں بزنس سیمینار منعقد کرنا خوش آئند ہے. پنجاب کے بڑے شہروں سے سرمایہ کاروں کو گوادر میں سرمایہ کاری کیلیئے دعوت دیں گے، دہشت گرد ہمیں ترقی کے عمل سے دور نہیں رکھ سکتے. دہشت گرد اپنے انجام کو پہنچ جائیں گے۔ہم سرمایہ کاری اور ترقی سے دہشت گردوں کو شکست دیں گے. گوادر میں سرمایہ کاری کیلیئے وسیع مواقع موجود ہیں۔

گورنر پنجاب نے مزید کہا کہ میں سینٹرل ایشیائی ممالک اور گوادر کے درمیان بھی پل کا کردار ادا کروں گا. گوادر کی مستقبل تابناک ہے. اگلے پانچ سالوں میں گوادر بزنس کا حب ہوگا. پنجاب بڑے بھائی کی حیثیت سے بلوچستان کے ساتھ ہمیشہ تعاون کرتا رہے گا. بلوچستان کی ترقی وزیر اعظم عمران خان اور پی ٹی آئی کی حکومت کا ویژن ہے.
تاجکستان کے سفارتکار نے سیمینار سے خطاب میں کہا کہ سی پیک اور گوادر پورٹ سے وسط ایشیائی ریاستیں بھی معاشی فائدہ حاصل کر سکیں گے.
صدر چیمبر آف کامرس راولپنڈی نے کہا کہ پنجاب کے تمام چمبر آف کامرس مل کر گوادر میں سرمایہ کاری کو فروغ دیں گے.

جواب چھوڑیں

آپ کا ای میل ایڈریس شائع نہیں کیا جائے گا.