چین پاک فوج کی ضروریات کوسمجھتا ہے،پاک فضائیہ کےسربراہ کی چین کےوزیردفاع سےملاقات میں اظہار

بیجنگ:چین پاک فوج کی ضروریات کوسمجھتا ہے،پاک فضائیہ کےسربراہ کی چین کےوزیردفاع سےملاقات میں اظہارخٰیال، اطلاعات کے مطابق پاک فضائیہ کے سربراہ ائر چیف مارشل مجاہد انور خان نے بیجنگ میں چین کے وزیر دفاع جنرل وی فینگ سے ملاقات کی۔

مجاہد انورسےخان سے ملاقات میں چین کے وزیر دفاع نے امید ظاہر کی کہ دونوں فریق اعلیٰ سطح کے رابطوں کو مزید مضبوط بنانے، عصر حاضر میں مختلف سکیورٹی خدشات اور چیلنجوں سے عہدہ برآ ہونے کےلئے عملی تعاون کو وسعت دینے کے حوالے سے مل کر کام کریں گے۔

پاک فضائیہ کے سربراہ ائر چیف مارشل مجاہد انور خان نے کہا کہ پاکستان چین کے ساتھ عسکری شعبے میں موثر رابطے اور تعاون کو مزید مضبوط بنانے اور دونوں ملکوں کے مشترکہ مفادات کے تحفظ کےلئے ملکر کام کرنے کو تیار ہے۔