بھارتی فوج کو سکم کے محاذ پرچینی فوج کی طرف سے کرارا جواب

نئی دہلی :بھارتی فوج کو سکم کے محاذ پرچینی فوج کی طرف سے کرارا جواب ،اطلاعات کے مطابق سکّیم میں ہندوستان اور چین کے فوجیوں کے درمیان تصادم ہوا ہے۔بھارتی ذرائع کے مطابق، شمالی سکّیم میں ہفتہ کے روز ہندوستانی اور چینی فوجی آپس میں جھڑپیں کر رہے ہیں۔

ہندوستانی فوج کے ذرائع نے بتایا ہے کہ شمالی سکّیم میں ہندوستان اور چین کے فوجیوں کے مابین تصادم ہوا ہے اور دونوں طرف سے کافی تناؤ اور لڑائی ہوئی ہے جس کے دوران دونوں ممالک کے فوجی بھی زخمی ہوئے ہیں لیکن فوج کا کہنا ہے کہ چونکہ ہلکے ہیں اور یہ محاذ آرائی مقامی سطح پر مداخلت اور مذاکرات کے بعد حل ہوگئی ہے۔

ہندوستانی فوج نے کہا ہے کہ جب بھی اس طرح کا کوئی تنازعہ ہوتا ہے تو دونوں قوتیں پروٹوکول کے مطابق اس کو حل کرتی ہیں۔یہ واقعہ پاک چین سرحد سے متصل سکّیم سیکٹر میں نکولہ کے قریب پیش آیا۔

بھارتی ذرائع کے مطابق ، اس واقعے میں سات چینی فوجی اور چار ہندوستانی فوجی زخمی ہوئے ہیں۔بارڈر لائن تنازعہ کو حل نہ کرنے کی وجہ سے یہاں تناؤ کی صورتحال پیدا ہوگئی ہے۔