چین کے خصوصی طیارے کو لینڈنگ کی اجازت مل گئی

0
26

کراچی :چین کے خصوصی طیارے کو لینڈنگ کی اجازت مل گئی ،اطلاعات کے مطابق سول ایوی ایشن اتھارٹی نے چین کے خصوصی چارٹرڈ طیارے کو کراچی ائیرپورٹ پر لینڈنگ کی اجازت دے دی۔چین کے شہر چکینڈو سے دو سو 24 انجینئرز اور تیکنیکی عملے کو لے کر خصوصی طیارہ 27 اکتوبر کو کراچی پہنچے گا۔

چینی خصوصی چارٹرڈ طیارے کو کراچی ائیرپورٹ پر لینڈنگ کی اجازت ہو گی۔ سی اے اے کے شعبئہ ائیر ٹرانسپورٹ نے چارٹر طیارے کی پرواز ایچ یو 7925 کے لیے نوٹفکیشن جاری کردیا ہے۔

سی اے اے کا کہنا ہے کہ حکومت کی وضح کردہ ایس او پیز پر مکمل عمل درآمد کرایا جائے گا، تمام چینی انجینرز کو کورونا ایس او پیز پر مکمل عمل کرنا ہوگا۔چین کے شہر چینگڈو سے خصوصی پرواز شام 6 بج کر 35 منٹ پر کراچی لینڈ کرےگی۔

چین کے سفارت خانے نے وزارت خارجہ کو چارٹر طیارے کی لینڈنگ کی درخواست کی تھی، سی اے اے نے وزارت خارجہ کی ہدایت پر لینڈنگی کی اجازت دے دی۔ چینی انجینئرز لکی کول فائرڈ پراجیکٹ کیلئے کراچی پہنچیں گے۔

Leave a reply