وزیراعظم سے چینی وزیرخارجہ وانگ ژی کی وفد کے ہمراہ ملاقات، اہم امور پر تبادلہ خیال

وزیراعظم پاکستان عمران خان کے ساتھ چینی وزیرخارجہ وانگ ژی نے وفد کے ہمراہ ملاقات کی ہے جس میں دو طرفہ تعلقات، باہمی تجارت سمیت دیگر امور پر بات چیت ہوئی۔ اس موقع پر وزیرخارجہ شاہ محمودقریشی، وزیر منصوبہ بندی خسرو بختیار اور دیگر اعلیٰ حکام موجود تھے۔
وزیراعظم عمران خان سے ملاقات کرنے والے وفد میں چینی نائب وزیر خارجہ ، سفیر اور دیگر حکام شامل تھے، ملاقات کے دوران پاک چین اکنامک کوریڈور، گوادر بندرگاہ سمیت دیگر معاملات زیر غور آئے، مقبوضہ کشمیر میں بھارتی مظالم اور خطے میں کشیدگی سے متعلق مودی حکومت کے منفی اقدامات پر بھی بات چیت ہوئی۔

وزیراعظم نے مقبوضہ کشمیر کے معاملے پر پاکستان کی حمایت کرنے پر چینی قیادت کا شکریہ ادا کیا۔ چینی وزیرخارجہ وانگ ژی نے دونوں ملکوں کے تعلقات میں مزید وسعت کے عزم کا اعادہ کیا
واضح رہے کہ چینی وزیر خارجہ پاکستان کے دورے پر ہیں ان کی آمد پر وزیر خارجہ شاہ محمود قریشی نے نورخان ایئربیس پر وزیرخارجہ شاہ محمود سمیت دیگر اعلیٰ حکام نے مہمان وزیرخارجہ کا استقبال کی تھا .ان کا یہ دورہ پاکستان اس وقت بہت اہمیت کا حامل ہے.