چنیوٹ ،باغی ٹی وی(نامہ نگار) ڈپٹی کمشنر کا پیدل دورہ، تجاوزات کے خلاف آپریشن تیز کرنے کے احکامات
ڈپٹی کمشنر چنیوٹ صفی اللہ گوندل نے لالیاں اور چناب نگر کے مختلف علاقوں، بازاروں اور گلیوں کا پیدل دورہ کیا، صفائی کی صورتحال اور تجاوزات کے خلاف آپریشن کا جائزہ لیا۔
ڈپٹی کمشنر نے فوری طور پر سخت تجاوزات آپریشن کے احکامات جاری کرتے ہوئے تمام علاقوں میں سو فیصد صفائی یقینی بنانے کی ہدایت دی۔ موقع پر خلاف ورزی کرنے والے دکانداروں کے خلاف مقدمات درج اور دکانیں سیل کرنے کے احکامات بھی دیے گئے۔
ڈپٹی کمشنر نے شہریوں کو ہدایت دی کہ وہ کارروائی سے بچنے کے لیے تجاوزات کو رضاکارانہ طور پر ختم کر دیں، کیونکہ حکومتی احکامات پر ہر صورت عملدرآمد یقینی بنایا جائے گا۔
