اوچ شریف باغی ٹی وی (نامہ نگار حبیب خان) حاصل پورمیں چشتیاں روڈ پر لاری اڈہ کے قریب کھڑے ایک منی مزدا ٹرک میں اچانک آگ بھڑک اٹھی۔ ابتدائی اطلاعات کے مطابق آگ لگنے کی وجہ ٹرک کے کیبن میں ہونے والا شارٹ سرکٹ بتائی جا رہی ہے۔ خوش قسمتی سے حادثے کے وقت ٹرک میں کوئی شخص موجود نہیں تھا، جس کی وجہ سے کسی جانی نقصان کی اطلاع نہیں ملی۔
ریسکیو 1122 کے عملے کو اطلاع ملتے ہی فوری طور پر جائے وقوعہ پر پہنچا اور پیشہ ورانہ مہارت کا مظاہرہ کرتے ہوئے آگ پر قابو پا لیا۔ موقع پر موجود عینی شاہدین کے مطابق آگ لگنے کے بعد دھوئیں کے گہرے بادل اٹھنے لگے، جس سے ارد گرد موجود لوگ خوفزدہ ہو گئے۔ تاہم ریسکیو ٹیم کی بروقت کارروائی کے باعث آگ زیادہ پھیلنے سے قبل ہی بجھا دی گئی، جس سے کسی بڑے نقصان کا خدشہ ٹل گیا۔
ریسکیو ذرائع کے مطابق ابتدائی تحقیقات سے معلوم ہوا ہے کہ ٹرک میں لگنے والی آگ شارٹ سرکٹ کے باعث لگی۔ تاہم مزید تفصیلات اور وجوہات جاننے کے لیے متعلقہ ادارے مزید تحقیقات کر رہے ہیں۔ شہریوں نے ریسکیو عملے کی بروقت کارروائی کو سراہتے ہوئے ان کی پیشہ ورانہ خدمات کو خراجِ تحسین پیش کیا۔
