چوری کی موٹر سائیکلوں کا بڑا گودام پکڑا گیا

کراچی: ضلع سینٹرل پولیس کا سرجانی میں چھاپہ، چوری کی موٹر سائیکلوں کا بڑا گودام پکڑا گیا۔گودام سے بوریوں میں بھرے ہوئے 250 سے زائد موٹر سائیکل کے انجن برآمد۔کارروائی کے دوران ملزمان کی پولیس پر فائرنگ۔کوئی نقصان نہیں ہوا۔ملزمان کی گرفتاری کے لیے ضلع سینٹرل کے تمام ایس ایچ اوز کو نفری سمیت طلب کر لیا گیا۔

خفیہ اطلاع پرگودام پر چھاپہ مارا گیا تھا اور اطلاع تھی کہ مذکورہ گودام میں شہر بھر سے چوری کی موٹر سائیکل لائی جاتی ہیں جبکہ گودام چلانے والے ملزمان 3 ہزار میں موٹر سائیکل لفٹرز سے چوری کی موٹر سائیکل خرید لیتے تھے۔
ملزمان پولیس کو دیکھ کر گودام سے فرار ہوئے۔گودام سے چوری کا سامان ٹرک میں لوڈ کرتے ہوئے ملزموں نے پولیس پر حملہ کردیا، ملزمان کی تلاش کے لیے علاقے کا محاصرہ کیا گیا ہے۔