سابق صوبائی وزیر سردار محمد آصف نکئی کی قیادت میں بڑھتی ہوئی مہنگائی کے خلاف ریلی

چونیاں،باغی ٹی وی(نامہ نگار)پاکستان تحریک انصاف کے سابق صوبائی وزیر سردار محمد آصف نکئی کی قیادت میں بڑھتی ہوئی مہنگائی کے خلاف اور الیکشن کراؤ ملک بچاؤ کے لیے سینکڑوں کارکنان کے ہمراہ ادھن سے الہ آباد تک احتجاجی ریلی نکالی. ریلی میں پی ٹی آئی کے کارکنان کے علاوہ سول سوسائٹی اور شہریوں کی بڑی تعداد نے شرکت کی.اس موقع پر خطاب کرتے ہوئے سردار آصف نکئی کا کہنا تھا کہ موجودہ پی ڈی ایم حکومت کے کرپٹ حکمرانوں نے ملک کو مہنگائی کی دلدل میں پھنسا کر ملک کو دیوالیہ کر کے رکھ دیا ہے۔ عوام مہنگائی کے ہاتھوں تنگ آکر خودکشیاں کرنے پر مجبور ہو چکے ہیں، صاف شفاف الیکشن ہی ملک کو بچانے کا واحد حل ہے۔عوام فاقہ کشی کا شکار ہوچکے ہیں تمام اشیاء خوردونوش کی قیمتیں عام آدمی کی پہنچ سے دور ہیں،پاکستان تحریک انصاف کے چیرمین عمران خان ہی ملک کو بحرانوں سے نجات دلاسکتا ہے، حکمران ٹولہ کی غلط پالیسیوں کی وجہ سے ملکی معیشت کی بدحالی کے باعث لاکھوں نوجوان ملک سے باہر جارہے ہیں۔ فیکٹری مالکان اپنے اثاثے فروخت کرکے ملک چھوڑ کر باہر جارہے ہیں اور نوجوان بےروزگار ہو رہےہیں،ہمیں اپنے ملک کی سالمیت کی حفاظت اور اپنے حق کے لیے نکلنا ہو گا۔

Leave a reply