لاہور سول لائنز پولیس کی کاروائی، منکوحہ کو زخمی کرنے والا گرفتار

ایس پی سول لائنز انویسٹی گیشن شمس الحق درانی کی سر بر اہی میں سول لائنز پولیس کی کارروائی۔گھریلو لڑائی جھگڑوں پر اپنی منکوحہ کو فائرنگ کر کے شدید زخمی کرنے والا ملزم عبدالوہاب گرفتار۔

تفصیلات کے مطابق ملزم کا 6ماہ قبل نیلم حسین سے نکاح ہوا تھا لیکن کچھ گھریلورنجشوں کی وجہ سے رخصتی نہ ہوئی تھی۔ملزم عبدالوہاب رکشے میں ڈیوٹی پر جاتی ہوئی اپنی منکوحہ نیلم حسین پر فائرنگ کر کے فرار ہو گیا تھا۔ ملزم عبدالوہاب کی فائرنگ سے نیلم دونوں بازوں پر فائر لگنے سے شدید زخمی ہو گئی تھی۔

27سالہ نیلم حسین لاہور بورڈ کے دفتر میں بطور سیکورٹی گارڈ ڈیوٹی کر تی ہے۔نیلم حسین 5بہنوں اور2بھائیوں کی واحد کفیل ہے جبکہ والد 5سال قبل وفات پا چکا ہے۔ انویسٹی گیشن پولیس سول لائنز نے کارروائی کرتے ہوئے ملزم عبدالوہاب کو گرفتار کیا۔ایس ایس پی انویسٹی گیشن لاہورکی طرف سے ملزم کی گرفتاری پر پولیس ٹیم کیلئے تعریفی اسناد کا اعلان کیا گیا