fbpx

سول رجسٹریشن فیسوں میں کمی،لیٹ اندراج کا دورانیہ بڑھا دیا گیا

قصور
ڈپٹی کمشنر قصور آسیہ گل نے سول رجسٹریشن فیسوں میں کمی کر دی اور لیٹ اندراج کا دورانیہ بڑھا دیا ،شہریوں کا اظہار تشکر

تفصیلات کے مطابق ڈپٹی کمشنر قصور آسیہ گل نے سول رجسٹریشن فیسوں میں کمی کر دی ہے اور لیٹ اندراج کا دورانیہ بھی بڑھا دیا ہے
کمپیوٹرائزڈ برتھ،ڈیتھ سرٹیفکیٹ و نکاح نامہ کی فیس 300 سے کم کرکے 200 روپیہ، برتھ سرٹیفکیٹ برائے بیرون ممالک پیدائش 5000 سے 2000 درستگی کی فیس 1000 روپیہ سے کم کرکے 500 روپیہ کر دی ہے اور لیٹ اندارج کا دورانیہ بھی بڑھانے کے ساتھ لیٹ اندراج فیسوں میں بھی کمی کر دی ہے
ڈپٹی کمشنر قصور آسیہ گل نے کہا ہے کہ کوئی بھی شہری مقرر کردہ فیسوں سے زائد نا ادا کرے اگر کوئی زائد یا پرانی فیسوں کا مطالبہ کرے تو فوری متعلقہ ڈپٹی ڈائریکٹر لوکل گورنمنٹ کو آگاہ کیا جائے
شہریوں نے فیسوں میں کمی پر پنجاب گورنمنٹ و ڈپٹی کمشنر قصور کے ساتھ اظہار تشکر کیا ہے