باغی ٹی وی کی رپورٹ کے مطابق پشاور ہائی کورٹ میں چیئرمین پی ٹی آئی عمران خان ہرجانہ کیس کی سماعت ہوئی

سماعت قائم مقام چیف جسٹس قیصر رشید نے کی عمران خان کے وکیل حبیب قریشی عدالت میں پیش ہوئے، عمران خان کے وکیل نے عدالت سے استدعا کی کہ سابق رکن اسمبلی معراج ہمایوں کا ہرجانہ کا صوابی سے کیس پشاور کی عدالت کو منتقل کیا جائے سابق رکن اسمبلی فوزیہ بی بی کیس کے ساتھ سنا جائے

عدالت نے دونوں کیسز ساتھ پشاورمیں سننے کا حکم دیتے ہوئے معراج ہمایوں اور بی بی فوزیہ کو اگلی پیشی پر طلب کرلیا دونوں سابقہ اراکین اسمبلی کے سینیٹ الیکشن میں ووٹ بیچنے کے الزام پر عمران خان پر کروڑوں روپے ہرجانے کے کیس دائر رکھے ہیں

14 دسمبر 2019 کو وزیراعظم عمران خان کے خلاف ہتک عزت دعویٰ کی سماعت ہوئی تھی ڈسٹرکٹ اینڈ سیشنز جج پشاورکی عدالت نے ہرجانہ کیس میں وزیراعظم عمران خان کی درخواست مسترد کر دی تھی ۔عمران خان نے وکیل کی وساطت سے دائر اپنی درخواست میں مؤقف اپنایا تھا کہ سابق ایم پی اے فوزیہ بی بی کا ہرجانہ کیس ناقابل سماعت قراردے کرخارج کیا جائے۔

ہم سے غلطیاں ہوئیں، قوم سے معافی مانگتے ہیں، شہباز شریف کا اعتراف

عمران خان نے مجھ پر ایٹمی حملہ کر دیا، شہباز شریف نے ایسا کیوں کہہ دیا

جج نے وزیراعظم کی درخواست مسترد کردی اور فریقین کو ہرجانہ کیس میں تحریری جواب جمع کرانے کا حکم دیا ہے۔

واضح رہے کہ پاکستان تحریک انصاف کے چیئرمین، وزیراعظم عمران خان نے 2018 میں ایک پریس کانفرنس کے دوران سینیٹ انتخابات میں ووٹ فروخت کرنے والے 20 ارکان کو اظہار وجوہ کا نوٹس جاری کرتے ہوئے اعلان کیا تھا کہ ان کے خلاف سخت کارروائی کی جائے گی۔

ہرجانہ کیس، فیصلے کے خلاف وزیراعظم نے دائر کی اپیل