وزیر اعلیٰ نے 7 سالہ گھریلو ملازمہ پر تشدد کے واقعہ کا نوٹس لے لیا

وزیر اعلیٰ نے 7 سالہ گھریلو ملازمہ پر تشدد کے واقعہ کا نوٹس لے لیا

وزیراعلیٰ پنجاب سردار عثمان بزدارنے ڈیرہ غازی خان میں 7 سالہ گھریلو ملازمہ پر تشدد کے واقعہ کا نوٹس لے لیا
آر پی او ڈیرہ غازی خان سے فوری رپورٹ طلب کر لی،بچی پر تشدد کے ذمہ دار کو فوری طور پر گرفتار کیا جائے۔
عثمان بزدار نے کہا کہ معصوم بچی پر تشدد انتہائی افسوسناک اور سماجی المیہ ہے۔7 سالہ بچی پر تشدد کی خبر سے بہت دکھ پہنچا۔

وزیراعلیٰ عثمان بزدار نے کمشنر ڈیرہ غازی خان کو بچی کا علاج معالجے کرانے کی ہدایت کر دی انہوں نے کہا کہ بچی کے علاج معالجے کیلئے تمام تر سہولتیں مہیا کی جائیں۔پولیس نے واقعہ کا مقدمہ درج، ملزم کی گرفتاری کے لئے چھاپے مارنا شروع کردیے.