وزیراعلی پنجاب ڈپلومیسی فورم 2025کے تحت بین الاقوامی کانفرنس میں مرکز نگاہ

وزیراعلی پنجاب مریم نواز شریف ڈپلومیسی فورم 2025کے تحت بین الاقوامی کانفرنس میں مرکز نگاہ بن گئیں -دنیا بھر سے کانفرنس میں شریک رہنماؤں، سفارتکاروں اور مندوبین نے تقریر کے بعد مریم نواز شریف سے ملاقات کی-مندوبین نے وزیراعلی مریم نوازشریف کے خواتین اور بچوں کی تعلیم، صحت اور معاشی ترقی کے لئے اقدامات کو مثالی قرار دیا -مندوبین نے وزیراعلی پنجاب مریم نواز کے وژن کو سراہا اور ان کی تقریر کو انتہائی متاثر کن قرار دیا- مندوبین نے وزیراعلی پنجاب مریم نوازشریف سے گفتگو کرتے ہوئے کہاکہ آپ کے وژن اور پالیسیز سے بڑی تبدیلی آئے گی، آپ کے تجربات سے سیکھنا چاہتے ہیں -بعض مندوبین نے وزیراعلی مریم نواز کو اپنی تجاویز بھجوانے کی بھی درخواست کی -وزیراعلی مریم نوازشریف نے مندوبین سے غیر رسمی گفتگوکرتے ہوئے کہاکہ آپ کی تجاویز خواتین اور بچوں کی بہتری کی عالمی تحریک کے حوالے سے بڑا سنگ میل ثابت ہوں گی-

وزیراعلی پنجاب مریم نواز شریف کی ترکیہ کے صدر رجب طیب اردوان سے ملاقات،خاتون اول محترمہ آمینہ اردوان بھی موجود
صدررجب طیب اردوان نے وزیر اعلی مریم نوازشریف کا خیر مقدم کرتے ہوئے ڈپلومیسی فورم کانفرنس میں شرکت پر شکریہ ادا کیا
صدررجب طیب اردوان نے سابق وزیر اعظم محمد نواز شریف کی صحت کے بارے میں دریافت کیا اور نیک تمناؤں کا اظہار کیا
وزیر اعلی مریم نواز نے بھی محمد نواز شریف کی جانب سے ترکیہ کے صدر کے لیے خیر سگالی کا پیغام پہنچایا
وزیراعلی پنجاب مریم نواز شریف نے ترکیہ کے صدر رجب طیب اردوان سے ملاقات کی-خاتون اول آمینہ اردوان بھی اس موقع پر موجود تھیں -وزیراعلی پنجاب مریم نواز شریف کا انا طولیہ ڈپلومیسی فورم کی تقریب میں پہنچنے پر شاندار استقبال کیاگیا-ترکیہ کی خاتون اول آمینہ اردوان نے وزیراعلی مریم نواز شریف کا پرجوش خیر مقدم کیا-صدررجب طیب اردوان نے وزیراعلی مریم نواز کا خیر مقدم کرتے ہوئے ڈپلومیسی فورم کانفرنس میں شرکت پر شکریہ ادا کیا -صدررجب طیب اردوان نے سابق وزیر اعظم محمد نواز شریف کی صحت کے بارے میں دریافت کیا اور نیک تمناؤں کا اظہار کیا- صدررجب طیب اردوان نے وزیراعلی مریم نواز سے گفتگو کرتے ہوئے کہاکہ انشاء اللہ جلد نوازشریف سے ملاقات ہوگی-وزیر اعلی مریم نواز نے بھی محمد نواز شریف کی جانب سے ترکیہ کے صدر کے لیے خیر سگالی کا پیغام پہنچایا -وزیر اعلی مریم نواز نے ترکیہ کے دورے کی دعوت دینے پر شکریہ بھی ادا کیا -قبل ازیں وزیراعلی پنجاب مریم نواز شریف نے ترک خاتون اول آمینہ اردوان سے ملاقات کی-ترک خاتون اول آمینہ اردوان نے وزیر اعلی مریم نواز کا خیر مقدم کیا-آمینہ اردوان نے ترکیہ کا دورہ کرنے پر وزیر اعلی مریم نواز کا شکریہ ادا کیا- وزیراعلی مریم نواز نے ترکیہ کے دورے کی دعوت دینے پر خاتون اول آمینہ اردوان کا شکریہ اداکیا- دونوں رہنماؤں نے ایک دوسرے کے لئے نیک تمناؤں کا اظہار کیا- وزیراعلی مریم نواز شریف نے ترک خاتون اول آمینہ اردوان کے ہمراہ کلچرل سٹال کا دورہ کیا-وزیراعلی مریم نواز شریف نے تعلیم کی انقلابی قوت کے عنوان سے خطاب کیا-اناطولیہ ڈپلومیسی فورم کے سیشن سے صرف ترک خاتون اول اور وزیراعلی مریم نواز شریف نے خطاب کیا-وزیراعلی مریم نوازشریف ڈپلومیسی فورم 2025 کے تحت منعقدہ بین الاقوامی کانفرنس میں شرکت کے لیے گزشتہ روز انا طولیہ پہنچی تھیں –