fbpx

وزیراعلیٰ پنجاب سردار عثمان بزدار سے صوبائی وزراء کی ملاقات

وزیراعلیٰ پنجاب سردار عثمان بزدار سے صوبائی وزراء سید صمصام علی بخاری، سردار حسنین بہادر اور ڈاکٹر محمد اختر ملک کی ملاقات ہوئی۔ ملاقات میں عمومی سیاسی صورتحال،محکمانہ امور اور ترقیاتی منصوبوں پر تبادلہ خیال کیا گیا۔ عثمان بزدار کا کہنا تھا کہ پنجاب کے ہر ضلع میں ڈویلپمنٹ پیکیج سے تبدیلی لائیں گے، پنجاب کے ہر شہر، قصبے اور گاؤں کی یکساں ترقی ہمارا نصب العین ہے، تبدیلی اشرافیہ کے گھروں میں نہیں بلکہ عام آدمی کے گلی محلے میں بھی نظر آئے گی اور ترقیاتی منصوبوں کی ضرورت اورعوام کے مسائل کا جائزہ لینے کیلئے خود اضلاع کے دورے کررہا ہوں۔ اُن کا کہنا تھا کہ ماضی میں ترقی چند شہروں تک محدود تھی،اب ہر گلی محلے میں ترقی نظر آئے گی۔ اپوزیشن اپنی سیاسی موت آپ مررہی ہے، ہمیں کوئی مسئلہ نہیں ہم کام کر رہے ہیں اورکرتے رہیں گے ہمیں مخالفین کی پرواہ نہیں۔ کوئی بھی ہمیں عوام کی خدمت سے نہیں روک سکتا۔ عوام کے حقوق کے محافظ ہیں اور ہم سب کو ان کا حق پہنچائیں گے۔ جس پر سردار حسنین بہادر دریشک کا کہنا تھا کہ جنوبی پنجاب سیکرٹریٹ کے بارے میں وزیراعلیٰ عثمان بزدار کے دوٹوک موقف سے منفی پراپیگنڈا دم توڑ گیا ہے۔ اس موقع پر ڈاکٹر محمد اخترملک نے کہا کے عثمان بزدار جنوبی پنجاب کی ترقی کیلئے پرعزم ہیں اور ہم ان کے ساتھ چلیں گے۔ سید صمصام علی بخاری نے وزیراعلیٰ کا شکریہ ادا کرتے ہوئے کہا کہ ہم ترقیاتی منصوبے کا اعلان کرنے پر وزیراعلیٰ عثمان بزدار کے مشکورہیں۔

جواب چھوڑیں

آپ کا ای میل ایڈریس شائع نہیں کیا جائے گا.