وزیراعلیٰ پنجاب عثمان بزدار اور ان کی کابینہ کو بحال کردیا گیاہے،پی ٹی آئی رہنماؤں کا دعویٰ
پی ٹی آئی رہنما ڈاکٹر مراد راس نے دعویٰ کیا ہے کہ گورنرعمر سرفرازچیمہ نے وزیراعلیٰ پنجاب اور ان کی کابینہ کو بحال کردیا ہے –
باغی ٹی وی : پاکستان تحریک انصاف کے رہنما ڈاکٹر مراد راس نے سماجی رابطے کی ویب سائٹ ٹوئٹر پر جاری بیان میں بھی دعویٰ کیا ہے کہ گورنر پنجاب نے وزیراعلیٰ عثمان بزدار اور ان کی کابینہ کو بحال کر دیا ہے جس کے بعد کابینہ اجلاس بھی طلب کر لیا گیا ہے جو بھی ہوا آئین کے مطابق ہوا اور آج ہونے والے کابینہ اجلاس کی آئینی اہمیت ہو گی۔
Chief Minister Punjab Usman Buzdar and his Cabinet restored by Governor Punjab Omar Cheema. Cabinet meeting called today. #MarchAgainstImportedGovt #امپورٹڈ_حکومت_نامنظور
— Murad Raas (@DrMuradPTI) April 30, 2022
جبکہ پاکستان تحریک انصاف کے رہنما میاں اسلم اقبال کا کہنا ہے کہ گورنر پنجاب نے اپنی آئینی ذمہ داری پوری کی ہے کابینہ بحال ہو چکی ہے، کچھ دیر میں وزیراعلیٰ عثمان بزدار کی زیر صدارت اجلاس ہو گا جس میں اہم فیصلے ہوں گے۔
آرمی چیف اور بِل گیٹس کے درمیان ٹیلی فونک رابطہ، پولیو مہم میں تعاون پر پاک فوج کی تعریف
واضح رہے کہ گورنر پنجاب عمر سرفراز چیمہ نے عثمان بزدار کا استعفیٰ آئینی اعتراض لگا کر مسترد کرتے ہوئے اسپیکر چوہدری پرویز الٰہی کو خط لکھ کر آگاہ کر دیا ہے جس کے بعد عثمان بزدار نے کابینہ کا اجلاس بھی فوری طور پر طلب کر لیا ہے۔
جبکہ آج لاہور ہائیکورٹ کے احکامات کی روشنی میں نو منتخب وزیراعلیٰ حمزہ شہباز کی حلف برداری کی تقریب بھی منعقد ہونی ہے لاہور ہائیکورٹ نے اسپیکر قومی اسمبلی راجہ پرویز اشرف کو نو منتخب وزیراعلیٰ پنجاب سے حلف لینے کی ہدایت کی ہے۔