وزیر اعلیٰ سندھ کا دادو واقعہ پر حکومتی رسپانس کی سست روی کا اعتراف

اسلام آباد: وزیراعلیٰ سندھ نے میہڑ واقعے پر حکومتی رسپانس کی سست روی کا اعتراف کرلیا۔

باغی ٹی وی : اسلام آباد میں میڈیا سے گفتگو کرتے ہوئے مراد علی شاہ نے کہا کہ بجلی کے بحران کے حل کے لیے میٹنگز ہوئی ہیں، 6 سے7 ہزارمیگاواٹ بجلی اس لیےنہیں بنائی جارہی کہ پاور پلانٹس کوفیول نہیں ملا، سندھ بھرمیں 10سے12 گھنٹے بجلی کی لوڈ شیڈنگ ہورہی ہے –

دادو آتشزدگی واقعہ: وزیر اعلیٰ سندھ کا جاں بحق افراد کے لواحقین کو فی کس 5 لاکھ روپے امداد دینے کا…

انہوں نے کہا کہ گزشتہ حکومت کہتی رہی کہ بجلی سسٹم میں موجود ہے آج پوچھتا ہوں کدھر ہے بجلی ؟ سابق وزیر فواد چودھری نے کہا اسٹیبلشمینٹ سے نہ بن سکی اس لیے حکومت ختم ہوئی پی ٹی آئی حکومت صرف ان کی نا اہلی سے گئی فیڈرل اور صوبائی گورنمنٹ دونوں کے لیے لوڈ شیڈنگ ایک بڑا چیلنج ہے، ایک پاور پلانٹ جو میرٹ آرڈر میں سب سے اوپر ہے اور سستی بجلی دیتا ہے، یہ پلانٹ سستی بجلی دے رہا ہے جس سے کے الیکٹرک بجلی لیتی ہے۔

مراد علی شاہ نے کہا کہ 172لوگ نہ ہونے کے باعث ان کی حکومت گئی، عمران خان کا مسئلہ یہ ہے کہ وہ اپنی تردید خود ہی کرتے رہتے ہیں عمران خان کو شاید اپنے بیانات خود یاد نہ ہوں لیکن لوگوں کو یاد رہتے ہیں، نا اہلی، نالائقی کی وجہ سے ان کی حکومت گئی ہے، عمران خان مسلسل ناکام ہورہے ہیں اب ان کا بیانیہ نہیں چلے گا، عمران خان 100،100روپے چندہ جمع کرکے چارٹرڈ طیارے پر سفرکرتےہیں-

وزیر اعلیٰ سندھ نے کہا کہ سابق وزیرنے کہا اسٹیبلشمنٹ سے نہ بن سکی اس لیے حکومت ختم ہوئی، صدر مملکت اپنی آئین ذمہ داریاں پوری کریں، صدر آئینی ذمہ داریاں پوری نہیں کر سکتے تو عہدہ چھوڑ دیں-

انہوں نے کہا کہ پچھلی حکومت کے سارے دعوے غلط تھے، اب تجربہ کار ٹیم آئی ہے وہ اس کو دیکھے گی، یہ ایک چیلنجنگ ٹاسک ہےکہ جومسائل وہ چھوڑکرگئےانہیں حل کرنا ہے، حکومت کا ڈیڑھ سال رہ گیا ہے، ساڑھے تین سال میں کچھ نہیں کرسکے، ہمیں ان ڈیڑھ سالوں میں 5 سال کا کام کرنا ہے، الیکشن میں جائیں گے تو لوگ 5 سال کا حساب مانگیں گے۔

انہوں نے کہا کہ تسلیم کرتا ہوں کہ میہڑواقعے میں حکومتی ریسپانس سست ترین تھا سستی برتنے والے حکام کے خلاف کارروائی کی جائیگی، میہڑ واقعے کے متاثرین کی ہرممکن مدد کی جائیگی، قریبی میونسپل کمیٹی کی فائربریگیڈ خراب تھی –

سید مراد علی شاہ نے بتایا کہ وزیراعظم سےملاقات ہوئی جس میں وزیراعظم نےدادو میں آتشزدگی سےریلیف کیلئےایک کروڑ روپے امداد کا کہا، دادوکےگاؤں میہڑمیں آگ سےمتاثرہ علاقےکا خود دورہ کیا، جن لوگوں کے گھرجلےہیں،انہیں گھربناکردیں گے –

مریم نوازنے عمرے پر جانے کے لئے عدالت سےرجوع کر لیا

ملاقات میں وزیراعظم نے عوام کو معاشی ریلیف کی فراہمی کی ضرورت پر زور دیا کہا ماہ رمضان کے دوران جو ریلیف پیکج دیا گیا اس پر عمل کیا جائے-

مراد علی شاہ نے کہا ساڑھے 3 سال سندھ میں کافی ایشوز آئےلیکن سلیکٹڈ وزیراعظم نے اس وقت ایک فون بھی نہیں کیا، اب موجودہ وزیراعظم نے کہا ہےکہ ان کا آفس سندھ کےمسائل حل کرنےکیلئے حاضر ہے۔

دوسری جانب وزیر اعلی سندھ مراد علی شاہ سمیت دیگر عدالت میں پیش ہوئے شریک ملزمان حسن رضا، شازیہ جعفر بیمار ہونے کے باعث عدالت پیش نہ ہوئے شریک ملزمان کی میڈیکل رپورٹ احتساب عدالت اسلام آباد میں پیش کی گئی شریک ملزم محمد علی کو اشتہاری قرار دینےسے متعلق رپورٹ عدالت میں پیش کی گئی نیب کا جواب آ جائے تو پھر درخواستوں کو دیکھتے ہیں-

اے این ایف نے پارسل کے ذریعے منشیات برمنگھم بھیجنے کی کوشش ناکام بنادی

واضح رہے کہ کراچی، لاہور اور راولپنڈی سمیت ملک کے بیشتر شہروں میں بجلی کی غیر اعلانیہ لوڈشیڈنگ میں اضافہ ہو گیا ہے گرمی اور رمضان کے دوران کئی کئی گھنٹے بجلی غائب رہنے سے عوام پریشان ہے اور شکوہ کر رہی ہے کہ بجلی کے بھاری بھرکم بل تو آتے ہیں لیکن بجلی نہیں آتی۔ ادھر تاجر اور درزی بھی وقت پر آرڈر مکمل نہ کرنے سے مشکلات کا شکار ہیں۔

دوسری جانب لیسکو حکام نے بجلی کا کوٹہ فوری بڑھانے کا مطالبہ کر دیا ہے جبکہ ترجمان کےالیکٹرک کا کہناہے کہ نیشنل گرڈ سے 300 میگاواٹ بجلی کی کمی کا سامنا ہے، چند علاقوں میں لوڈشیڈنگ کا دورانیہ عارضی طورپربڑھا دیاگیا ہے۔

چاہے جو بھی خطرہ ہو ہر حال میں آج لاہور جلسے میں جاؤں گا،عمران خان