وزیر اعلی سندھ کا سکھر بیراج کا دوره، ٹوٹے ہوئے گیٹوں کا معائنہ کیا

میرپور ماتھیلو،باغی ٹی وی(نامہ نگار مشتاق علی لغاری)وزیر اعلی سندھ نے سکھر بیراج کا دوره کیا اور ٹوٹے ہوئے دروازوں کا معائنہ کیا ۔

ترجمان سی ایم ہاؤس سندھ کے مطابق وزیراعلیٰ سندھ سید مراد علی شاہ پیر کو سکھر پہنچے جنہوں نے یہاں سکھر بیراج کا دورہ کیا ۔سید مراد علی شاہ نے بیراج کے ٹوٹے ہوئے اور متاثر ہونے والے گیٹس کا معائنہ کیا ۔

وزیراعلیٰ سندھ کو وزیر آبپاشی جام خان شورو نے ٹوٹنے والے گیٹ سے متعلق بریفنگ دی جبکہ سیکرٹری آبپاشی ظریف کھیڑو نے وزیراعلی سندھ کو اب تک کیلئے گئے اقدامات کے حوالے سے بریف کیا ۔

ڈپٹی سپیکر سندھ اسمبلی اویس قادر شاہ ، صوبائی وزراء شرجیل انعام میمن ، ضیاء الحسن لنجار اور جام خان شورو وزیراعلیٰ سندھ کے ہمراہ تھے ۔

Leave a reply