وزیراعلیٰ سندھ نیب میں آج پیش نہیں ہوں گے

وزیر اعلیٰ سندھ مرادعلی شاہ کا آج نیب کے سامنے پیش نہیں ہوں گے

باغی ٹی وی کی رپورٹ کے مطابق وزیراعلیٰ سندھ سید مراد علی شاہ آج نیب میں پیش نہیں ہوں گے ،وزیر اعلیٰ سندھ کی قانونی ٹیم نے مراد علی شاہ کونیب میں پیش نہ ہونے کا مشورہ دیا، سندھ کے صوبائی وزیراطلاعات سعید غنی نے اس امر کی تصدیق کرتے ہوئے کہا کہ وزیر اعلیٰ سندھ 11بجے تقریب میں شرکت کریں گے،

دوسری جانب وزیراعلیٰ سندھ نے نیب پیشی سے متعلق صحافی کا سوال ٹال دیا ،وزیراعلیٰ سندھ کا کہنا تھا کہ ابھی تو میں آپ کے سامنے ہوں 12بجے ایک اور تقریب میں جاوَں گا،آپ میرے ساتھ ساتھ ہیں دیکھتے ہیں کیا ہوتا ہے

نیب نے کل وزیراعلیٰ سندھ کو طلب کر لیا، مشترکہ تحقیقاتی ٹیم پوچھ گچھ کرے گی

واضح رہے کہ وزیراعلیٰ‌ سندھ مرادعلی شاہ کونیب نے آج منگل کی صبح 11 بجے نیب کراچی کے دفترمیں پیش ہونے کا نوٹس جاری کیا گیا ہے، وزیراعلیٰ سندھ کونیب راولپنڈی کی ٹیم نےٹھٹھہ اوردادوشوگرملزکیس میں طلب کررکھاہے، جعلی بینک اکاؤنٹس کیس کی مشترکہ تحقیقاتی ٹیم وزیراعلیٰ سندھ سے کینٹ ہیڈکوارٹر میں‌ پوچھ گچھ کرےگی،

وزیراعلی سندھ کے شیڈول میں 11 بجے کا نیب جانے کا ریمائنڈر لگا دیا گیا ہے جب کہ نیب کی 15 رکنی ٹیم بھی کراچی پہنچ گئی ہے، مشترکہ تحقیقاتی ٹیم میں 11 تحقیقاتی افسر اور 4 اسسٹنٹ شامل ہیں،