fbpx

کافی ود کرن پر کرن جوہر کو نفرت اور تنقید کا سامنا

کرن جوہر کا شمار بالی وڈ کے نامور فلم سازوں میں ہوتا ہے، انہوں نے کچھ قابل ذکر فلموں کی ہدایت کاری کی ہے جس میں کچھ کچھ ہوتا ہے، مائی نیم از خان، اے دل ہے مشکل، کھی خوشی کبھی غم اور دیگر کے نام قابل زکر ہیں. کرن نے شاہ رخ خان کی فلم دل والے دلہنیا لے جائیں گے میں ایک چھوٹا سا کردار بھی نبھایا تھا. حال ہی میں ان کی جگ جگ جیو ریلیز ہوئی .کرن جوہر کافی ود کرن کے میزبان بھی ہیں یہ شو پہلی بار 2005 میں آن ائیر ہوا تھا تب سے لیکر اب تک کامیابی سے جاری ہے. کافی ود کرن کے سیزن سیون پر کافی تنقید ہو رہی ہے. اس ھوالے سے کرن جوہر نے ایک انٹرویو میں کہا ہے کہ میں جانتا ہوں کہ میرے شو کو محبت کے ساتھ ساتھ نفرت بھی مل رہی ہے اسکو سوشل میڈیا پر کافی ٹرول

بھی کیا جاتا ہے. مجھے سمجھ نہیں آتی کہ کیوں ایسا کیا جا رہا ہے حالانکہ میرے شو کو دیکھا بھی جا رہا ہے اس کے باوجود اس شو کے بارے میں عجیب و غریب باتیں کی جا رہی ہیں. کرن جوہر نے ایک سوال کے جواب میں کہا کہ کوئی بات نہیں کبھی کبھی نفرت یا ٹرولنگ بھی اینٹرٹیننگ ہوتی ہے اور میں ہر چیز کو انجوائے کرتا ہوں. میں ٹویٹر اور دیگر پورٹلز پر اپنے شو کے بارے میں پڑھتا ہوں اس میں آئے مہمانوں کی گفتگو تک ڈسکس ہو رہی ہوتی ہے تو پھر اس شو کو اتنی نفرت دئیے جانے یا تنقید کرنے کی وجہ میری سمجھ سے باہر ہے لیکن کوئی بات نہیں میں انجوائے کررہا ہوں جیسا کہ میں نے کہا کہ کبھی کبھی نفرت یا ٹرولنگ بھی اینٹرٹیننگ ہوتی ہے.یاد رہے کہ کافی ود کرن کی آنے والی ایپی سوڈ میں شاہد کپور اور کائرہ ایڈوانی بطور مہمان شرکت کریں گے.