ورلڈ ہیڈر ایڈ

حبیب الرحمان نیپال میں نوکری کیلئے انٹرویو کیلئے گئے تھے اور وہاں سے لاپتہ ہو گئے

اسلام آباد: پاکستان نے بھارتی پراپیگنڈہ کا جواب دے دیا ، پاکستان نے چند پھیلائی جانے والی افواہوں کو مسترد کرتے ہوئے کہا کہ بھارت پراپیگنڈہ کرنے چھوڑ دے ،اطلاعات کے مطابق لیفٹیننٹ کرنل ریٹائرڈ حبیب الرحمان کی بھارتی حراست میں ہونے کی افواہوں پر دفتر خارجہ نے بھی بیان جاری کردیا۔

اسلام آباد سے ترجمان دفتر خارجہ کی جانب سے جاری بیان میں کہا گیا ہے کہ بھارتی میڈ یا دعویٰ کر رہا ہے کہ حبیب الرحمان کو بھارت نے پکڑ لیا ہے۔ حبیب الرحمان نیپال میں نوکری کیلئے انٹرویو کیلئے گئے تھے اور وہاں سے لاپتہ ہو گئے۔ حبیب الرحمان کی فیملی کے مطابق انہوں نے لنکڈن کے ذریعے سی وی بھیجی۔

ترجمان دفتر خارجہ کی جانب سے جاری بیان میں کہا گیا ہے کہ بھارت حبیب الرحمان کی رہائی کو کلبھوشن کی رہائی سے مشروط کر رہا ہے۔ حبیب الرحمان اپریل 2017ء میں نوکری کیلئے نیپال گئے، انہیں مارک نامی شخص نے برطانوی نمبر سے کال کر کے نوکری کیلئے منتخب کیا اور نیپال جانے کی پیشکش کی۔ حبیب الرحمان کو لاہور، اومان اور کھٹمنڈو کا ٹکٹ دیا گیا،

ترجمان دفتر خارجہ کی جانب سے جاری بیان میں کہا گیا ہے کہ کرنل حبیب الرحمن وہ زندگی میں پہلی مرتبہ کھٹمنڈو گئے تھے جہاں پہنچ کر انہوں نے اپنے اہلخانہ کو اپنی بورڈنگ پاس اور اپنی تصاویر بھی واٹس ایپ کی تھیں۔

ذرائع کے مطابق دفتر خارجہ کے ترجمان نے کہا کہ حبیب الرحمان نے نیپال کے ایئرپورٹ لمبینی سے اپنی بیوی سے رابطہ کیا، لمبینی سے بھارتی سرحد پانچ کلو میٹر کے فاصلے پر ہے۔ بعد ازاں تحقیقات سے پتہ لگا کہ مارک نامی شخص کا برطانوی نمبر جعلی ہے اور جس ویب سائٹ کے ذریعے حبیب الرحمان سے رابطہ کیا گیا وہ بھی بھارت سے چلائی جا رہی تھی

جواب چھوڑیں

آپ کا ای میل ایڈریس شائع نہیں کیا جائے گا.