fbpx

کامن ویلتھ گیمز،پاکستان کےریسلرعلی اسدنےکانسی کاتمغہ جیت لیا

لندن :کامن ویلتھ گیمز میں پاکستان نے ایک اور میڈل حاصل کرلیا، پاکستانی ریسلر علی اسد نے پاکستان کیلئے برانز میڈل حاصل کیا۔57 کلوگرام ریسلنگ کے مقابلوں میں پاکستان کے علی اسد نے برانز میڈل جیتا۔ علی اسد نے برانز میڈل کی باؤٹ میں نیوزی لینڈ کے سورج سنگھ کو محض 55 سیکنڈز میں چاروں خانے چت کردیا۔

برمنگھم کامن ویلتھ گیمز میں پاکستان کے مجموعی میڈلز کی تعداد اب چھ ہوگئی ہے جن میں صرف ایک گولڈ میڈل شامل ہے۔اسی کیٹیگری کے فائنل میں بھارت کے روی نے نائیجیریا کے کھلاڑی کو شکست دے کر گولڈ میڈل حاصل کیا۔برمنگھم میں جاری کامن ویلتھ گیمز میں پاکستانی پہلوانوں کی بہترین کارکردگی کا سلسلہ جاری ہے۔

اس سے پہلے ہفتے کو پاکستان کے طیب رضا نے97 کلوگرام ویٹ کیٹیگری میں بھامس کے راشجی مکی کو دس صفر سے شکست دے کرکوارٹرفائنل کےلیے کوالیفائی کرلیا ہے۔

پاکستان کے شریف طاہر 74 کلوگرام کیٹگری کے فائنل میں پہنچ گئے ہیں۔ انھوں نے نیوزی لینڈ کے ریسلر کو یک طرفہ مقابلے میں گیارہ صفر سے شکست دی۔

ادھر قومی پہلوان انعام بٹ نے کامن ویلتھ گیمز میں جیتا ہوا سلور میڈل لسبیلہ ہیلی کاپٹر حادثے کے شہداء کے نام کر دیا۔

انعام بٹ نے اپنے پیغام میں کہا کہ آپ سب کی دعاؤں اور سپورٹ کا شکریہ، ‏اللّه کا شکر ہے جس نے سلور میڈل سے نوازا، یہ میڈل بلوچستان ہیلی کاپٹر حادثے میں شہید ہونے والے افسران اور جوانوں کے نام کرتا ہوں۔