نیوزی لینڈ کے شہر آکلینڈ میں کورونا کیس،لیول 4 لاک ڈاوَن کا اعلان کر دیا گیا
نیوزی لینڈ کی وزیراعظم جیسینڈا آرڈن نےلیول 4 لاک ڈاوَن کا اعلان کردیا، نیوزی لینڈ بھر میں 3 روزہ اور آکلینڈ میں 7 روزہ لاک ڈاوَن نافذ ہوگا،نیوزی لینڈ کے شہر آکلینڈ میں لاک ڈاوَن بدھ سے لگایا جائے گا،
نیوزی لینڈ کی وزیراعظم جیسینڈا آرڈن نے کہا کہ ہمیں کرونا کے دوبارہ پھیلاؤ کو روکنا ہو گا ، اوراسکے لئے سخت اقدامات کرنے ہون گے، شہری کرونا سے بچاؤ کے لئے احتیاط کریں،ہم چاہتے ہیں کہ لوگ صرف وہاں جائیں جہاں ان کی ضرورت ہے
الرٹ لیول 4 کے تحت ، لوگوں سے کہا جاتا ہے کہ وہ گھر پر رہیں اور اپنی نقل و حرکت کو محدود رکھیں ، لاک ڈاؤن کے دوران اگلے 48 گھنٹوں میں کرونا ویکسی نیشن کا عمل بھی بند کر دیا جائے گا، 48 گھنٹے بعد دوبارہ سے کرونا کی ویکسین شہریوں کو لگائی جائے گا
لاک ڈاؤں کے دوران کسی بھی اجتماع کی اجازت نہیں ہے اور تمام عوامی مقامات کے ساتھ ساتھ اسکولوں کو بھی بند کر دیا جائے گا۔فارمیسی ، کلینک اور پٹرول سٹیشن جیسے کاروبار کھلے رہ سکتے ہیں جبکہ تمام غیر ضروری مقامات بند ہوں گے،
