کورونا وائرس سے 48 افراد جاں بحق ہوگئے، مجموعی تعداد 10 ہزار سے بھی تجاوز کرگئی

کورونا وائرس سے 48 افراد جاں بحق ہوگئے، مجموعی تعداد 10 ہزار سے بھی تجاوز کرگئی

باغی ٹی وی رپورٹ کے مطابق کورونا وائرس سے 48 افراد جاں بحق ہوگئے، جس کے بعد اموات کی تعداد 10 ہزار 558 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 97 ہزار 510 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 435 نئے کیسز رپورٹ ہوئے، پنجاب میں ایک لاکھ 43 ہزار 511، سندھ میں 2 لاکھ 22 ہزار 999، خیبر پختونخوا میں 60 ہزار 536، بلوچستان میں 18 ہزار 314، گلگت بلتستان میں 4 ہزار 878، اسلام آباد میں 38 ہزار 842 جبکہ آزاد کشمیر میں 8 ہزار 430 کیسز رپورٹ ہوئے۔

ملک بھر میں اب تک 70 لاکھ 2 ہزار 706 افراد کے ٹیسٹ کئے گئے، گذشتہ 24 گھنٹوں کے دوران 38 ہزار 369 نئے ٹیسٹ کئے گئے، اب تک 4 لاکھ 53 ہزار 828 مریض صحتیاب ہوچکے ہیں جبکہ 2 ہزار 285 مریضوں کی حالت تشویشناک ہے۔

پاکستان میں کورونا سے ایک دن میں 48 افراد جاں بحق ہوئے جس کے بعد وائرس سے مرنے والوں کی تعداد 10 ہزار 558 ہوگئی۔ پنجاب میں 4 ہزار 221، سندھ میں 3 ہزار 670، خیبر پختونخوا میں ایک ہزار 710، اسلام آباد میں 436، بلوچستان میں 186، گلگت بلتستان میں 101 اور آزاد کشمیر میں 234 مریض جان سے ہاتھ دھو بیٹھے۔

قومی ادارہ صحت نے پاکستان میں کورونا کی نئی قسم کی تصدیق کر دی ہے۔ قومی ادارہ صحت کے مطابق دو پاکستانیوں میں کورونا وائرس کی نئی قسم پائی گئی۔ دونوں شہری برطانیہ سے وطن واپس آئے۔

وزیر صحت پنجاب یاسمین راشد کا کہنا تھا کہ کورونا کی نئی قسم کے چار مشکوک مریضوں کا تعلق لاہور سے ہے۔ چاروں کے ٹیسٹ لے کر این آئی ایچ بھجوا دیے ہیں۔

نیشنل کمانڈ اینڈ آپریشن سینٹر کے مطابق ملک بھرمیں کورونا مثبت کیسزکی شرح 5.92 فیصد ہوگئی ہے۔ کراچی میں کورونا مثبت کیسزکی شرح زیادہ 13.84 فیصد ہے۔

حیدرآباد میں شرح 8.79 فیصد، سوات 7.89، آزاد جموں کشمیر2.14، بلوچستان 4.95، اسلام آباد 3.98، خیبرپختونخوا 5.87، پنجاب4.44 اور سندھ میں مثبت کیسز کی شرح 8.40 فیصد ہے۔

جواب چھوڑیں

آپ کا ای میل ایڈریس شائع نہیں کیا جائے گا.