کرونا کے مریضوں میں مزید اضافہ، سندھ میں 245،بلوچستان میں 81 مریض،وزیراعطم نے کیا اجلاس طلب

0
38

پاکستان میں کرونا کے مریضوں میں مزید اضافہ، سندھ میں 245،بلوچستان میں 81 مریض ہو گئے

باغی ٹی وی کی رپورٹ کے مطابق ملک بھر میں کرونا کے مریض بڑھنے لگے، سندھ، بلوچستان، گلگت بلتستان میں کرونا کے نئے مریض سامنے آ گئے،وزیراعظم عمران خان نے کل کرونا وائرس سے نمٹنے کے لئے نیشنل کوآرڈی نیشن کمیٹی کا اجلاس طلب کر لیا

گلگت بلتستان میں کورونا وائرس کے 8 مزید کیسزز سامنے آگئے،گلگت بلتستان میں کورونا کے مریضوں کی تعداد 21 ہوگئی،متاثرہ مریضوں کو فوری طور پر آئسولیشن میں منتقل کردیا گیا

کراچی میں کورونا وائرس کے مزید28کیسز سامنے آگئے،صوبے میں کورونا وائرس کے مریضوں کی تعداد245 ہوگئی،بلوچستان میں کورونا وائرس سے متاثرہ افراد کی تعداد 81 ہوگئی،بلوچستان میں کورونا وائرس کے مزید5کیسز سامنے آگئے

پنجاب میں کرونا وائرس کے 78 مریض ہیں جن میں سے 60زائرین ہیں،صوبائی وزیر صحت یاسمین راشد کا کہنا ہے کہ گجرات میں کورونا وائرس کے 2مریض سامنے آئے،کورونا وائرس کے نتائج سے روزانہ کی بنیاد پر آگاہ کریں گے،

دوسری جانب وزیراعظم عمران خان نے نیشنل کوآرڈینیشن کمیٹی کا اجلاس کل طلب کر لیا.نیشنل کوآرڈینیشن کمیٹی کا اجلاس کل دوپہر وزیراعظم ہاوَس میں ہوگا،اجلاس میں کورونا وائرس اور حکومتی اقدامات کے پیش نظر اہم فیصلے متوقع ہیں

اجلاس میں فضائی آپریشن سے متعلق کیے گئے فیصلوں پر نظر ثانی کا بھی امکان ہے،اجلاس میں صوبائی وزرائے اعلیٰ اور وفاقی وزرا بھی شریک ہوں گے،وزرائے اعلیٰ ویڈیو لنک کے ذریعہ اجلاس میں شرکت کریں گے اجلاس میں قومی سلامتی کمیٹی کے فیصلوں پر عملدرآمد کا جائزہ لیا جائے گا،کورونا وائرس کی روک تھام سے متعلق وفاقی اور صوبائی حکومتوں کے اقدامات کا جائزہ لیا جائے گا

سپیکر قومی اسمبلی اسد قیصر کا کہنا ہے کہ وزیراعظم کے ساتھ کورونا وائرس کے معاملے پر پارلیمانی کمیٹی کے قیام پر اتفاق ہوا ہے، پارلیمانی کمیٹی میں تمام جماعتوں کی نمائندگی ہوگی،بلاول بھٹو نے سیاسی دانش مندی کا ثبوت دیا ہے،یہ وقت سیاسی پوائنٹ اسکورنگ کا نہیں ہے،اپوزیشن کے پاس تنقید کے لیےکافی وقت ہوگا، ایک ماہ گزارہ کرلیں،اپوزیشن سے تجاویز کے لیے رابطہ کروں گا، ہاتھ ملانے اور گلے ملنے سے پرہیز کرنا ہوگا،

دوسری جانب سندھ کے صوبائی وزیر ناصر حسین شاہ کا کہنا ہے کہ جب تک وائرس سے جان نہیں چھڑا لیتے تنقید نہیں کریں گے،ہم نے سندھ میں مختلف جگہوں پر قرنطینہ سنٹر بنا رکھے ہیں،700سے زائد زائرین کے ٹیسٹ ہورہے ہیں،زائرین کے آج رات سے رزلٹ آنا شروع ہوجائیں گے،زائرین کے آج رات سے رزلٹ آنا شروع ہوجائیں گے،وفاقی حکومت کے ساتھ مل کر کام کریں گے،

Leave a reply