fbpx

کرونا لاک ڈاؤن کی خلاف ورزی،پولیس نے گولیاں چلا دیں، متعدد زخمی

کرونا لاک ڈاؤن کی خلاف ورزی،پولیس نے گولیاں چلا دیں، متعدد زخمی
باغی ٹی وی کی رپورٹ کے مطابق چین سے پھیلنے والا خطرناک کرونا وائرس دنیا بھر میں پھیل چکا ہے، کرونا کی وجہ سے کئی ممالک نے لاک ڈاؤن لگا رکھے ہیں

بنگلہ دیش میں بھی کرونا کی وجہ سے لاک ڈاون نافذ ہے اور حکومت نے پابندیاں عائد کر رکھی ہیں جس پر شہری گھروں سے باہر نکل آئے اور لاک ڈاؤن کے خلاف احتجاج کیا، کرونا ایس او پیز پر عمل نہیں کیا جس پر پولیس حرکت میں آئی اور پولیس نے لاک ڈاؤں کے خلاف احتجاج کرنے والے مظاہرین پر فائرنگ کر دی

اطلاعات کے مطابق بنگلہ دیش کے ضلع فرید پور میں لاک ڈاؤن کے خلاف مظاہرین سڑکوں پر نکلے ،پولیس نے فائرنگ کی تو پولیس فائرنگ سے 3 افراد زخمی ہو گئے جس کے بعد مظاہرین مشتعل ہو گئے اور تھانے پر حملہ کر دیا،مظاہرین نے ایک مکان اور دو گاڑیوں کو بھی نذر آتش کر دیا

پولیس کا کہنا ہے کہ مظاہرین کے ایک گروہ نے پولیس اسٹیشن پر اینٹیں پھینک دیں اور قصبے میں سرکاری دفاتر میں توڑ پھوڑ کی ، جس سے ایک افسر کے گھر اور دو کاروں کو نقصان پہنچا، پولیس نے دعویٰ کیا ہے کہ پولیس نے تھانے پر حملہ کرنے کے بعد اپنے دفاع میں فائرنگ کی پولیس نے کسی جانی نقصان کے اعدادوشمار نہیں بتائے لیکن سرکاری سطح پر چلنے والے فرید پور میڈیکل کالج اسپتال کے ایمرجنسی وارڈ کے ایک ڈاکٹر عبدالمتین نے بتایا کہ فائرنگ کے گولیوں سے تین افراد تشویشناک حالت میں تھے۔ زخمیوں میں سے ایک کو اس کے کولہوں میں ، دوسرے کے سینے میں اور تیسرے شخص کو دونوں ٹانگوں میں گولی لگی تھی۔

واضح رہے کہ بنگلہ دیش میں کورونا وائرس کے کیسز میں اضافہ ہونے کے باعث حکومت نے گزشتہ روز سے ایک ہفتے کا لاک ڈاؤن نافذ کر دیا ہے۔ بنگلہ دیش میں کورونا وائرس سے 9155 ہلاکتیں، جبکہ 6 لاکھ 24 ہزار سے زائد کیسز رپورٹ ہوچکے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.