کورونا پھر زور پکڑ گیا ، ایمر جنسی نافذ

کورونا پھر زور پکڑ گیا ، ایمر جنسی نافذ

باغی ٹی وی : گلگت بلتستان میں کرورنا نے زور پکڑ لیا ہے . وزیر اعلیٰ گلگت بلتستان خالد خورشید نے گلگت بلتستان میں کورونا کیسز کی بڑھتی صورتحال پر ایمرجنسی نافذکر دی ہے ۔

وزیر اعلیٰ خالد خورشید نے گلگت بلتستان کے تمام متعلقہ اداروں کو ہائی الرٹ کر تے ہوئے کہاکہ گلگت بلتستان میں کرونا کیسز میں اضافہ ضرور ہوا تاہم کوئی مریض وینٹی لیٹر پر نہیں، گلگت بلتستان میں کورونا وائرس کے بڑھنے کی وجہ سیاحوں کی تعداد میں بہت زیادہ اضافہ ہے۔

وزیر اعلیٰ نے کہاکہ گلگت بلتستان پاکستان کی سیاحت کا حب ہے، پوری دنیا سے سیاحوں کی آمد کا سلسلہ جاری ہے، کورونا وائرس کی بڑھتی صورتحال کے باوجود گلگت بلتستان میں مکمل لاک ڈاؤن نہیں کر رہے۔ انہوں نے کہاکہ گلگت بلتستان کی عوام کی معیشت کا دارومدار سیاحت پر ہے، گلگت بلتستان میں کورونا ویکسینیشن کےحوالےسےخصوصی اقدامات کئےہیں،گلگت بلتستان کی عوام اورسیاح ایس او پیز پرعملدرآمد کو یقینی بنائیں۔

نیشنل کمانڈ آپریشن سینٹر (این سی او سی) کے اعداد و شمار کے مطابق عالمی وبا کورونا وائرس پر پاکستان میں کافی حد تک قابو پا لیا گیا تھا اور ملک بھر میں کورونا سے اموات اور مثبت کیسز کی شرح میں کسی حد تک کمی دیکھنے میں آئی تھی لیکن اب پھر ملک میں کورونا کیسز میں اضافہ دیکھنے کو ملا ہے- گزشتہ 25 گھنٹوں میں کرونا سے مزید 27 اموات ہوئی ہیں-