پاکستان میں کورونا مثبت کیسز کی شرح تقریباً 8 فیصد ہو گئی

0
39
پاکستان-میں-کورونا-مثبت-کیسز-کی-شرح-تقریباً-8-فیصد-ہو-گئی #Baaghi

پاکستان میں گزشتہ 24 گھنٹوں کے دوران عالمی وبا کورونا وائرس سے مزید 76 مریض جاں بحق ہو گئے-

باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق ملک بھر میں گزشتہ 24 گھنٹوں کے دوران کورونا کے 59 ہزار 707 ٹیسٹ کئے گئے جس کے نتیجے میں کورونا کے مزید 4 ہزار 497 نئے کورونا کیسزسامنے آگئے۔


این سی او کے مطابق ملک میں کورونا کیسز کی مجموعی تعداد 10 لاکھ 20 ہزار 324 جبکہ ملک میں کورونا سے مجموعی اموات 23 ہزار 209 ہوگئیں جبکہ ملک میں کورونا مثبت کورونا کیسز کی شرح 7.53 فیصد رہی-

سندھ میں کورونا کے کیسز کی تعداد تین لاکھ 74 ہزار 434، خیبر پختونخوا میں ایک لاکھ 42 ہزار 799، پنجاب میں تین لاکھ 54 ہزار 904، اسلام آباد میں 86 ہزار 602، بلوچستان میں 30 ہزار 19، آزاد کشمیر میں 23 ہزار 631اور گلگت بلتستان میں 7 ہزار 935 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 10 ہزار 995 افراد جان کی بازی ہار چکے ہیں جبکہ سندھ میں 5 ہزار 903، خیبرپختونخوا 4 ہزار 435، اسلام آباد 797، گلگت بلتستان 133، بلوچستان میں 326 اور آزاد کشمیر میں 620 افراد جان کی بازی ہار چکے ہیں-

Leave a reply